మీరాజాస్మిన్ రహస్య వివాహం

By Staff

Published: Monday, March 16, 2009, 17:57 [IST]

చెన్నైలో రహస్యంగా మీరాజాస్మిన్ తన ప్రియుడు మాండలిన్ రాజేష్ ని పెళ్ళి చేసుకుందని అంతటా వినపడుతోంది. ముఖ్యంగా మళయాళ పత్రికల్లో దీనిపై స్పెషల్ కథనాలు వచ్చాయి. అయితే ఈ విషయాన్ని ఇద్దరూ ఖండిస్తున్నారు. చాలా కాలంగా మీరా జాస్మిన్, రాజేష్ ల మధ్య ప్రేమ వ్యవహారం నడుస్తోంది. ఇక రాజేష్ ప్రముఖ సంగత విధ్వాంసుడు మాండలిన్ శ్రీనివాస్ సోదరుడు. అతను కూడా సంగత దర్శకుడుగా సెటిల్ అయ్యాడు. ఇంతకుముందు మరో సినిమా తార సంగీత కూడా సంగీత దర్శకుడు క్రిష్ తో ప్రేమ వ్యవహారం చాలా కాలం పాటు నడిపి చిట్టచివరకు పెళ్ళి చేసుకుంది.

అయితే ఆ పెళ్ళి అయ్యే దాకా అసలు అతనెవరో తెలియదనీ, ప్రొపిషనల్ గా టచ్ అని చెప్పుకొచ్చింది. ఇప్పుడూ మీరా కూడా అదే పని చేస్తోంది. వాళ్ళిద్దరూ చెన్నైలో కొంతకాలంగా కలిసే ఉంటున్నారు. దీనిపై మీరా జాస్మిన్ కుటుంబ సభ్యులు రెండు మూడు సార్లు గొడవ కూడా చేసారు. ఇక మీరా సోదరుడు అయితే రాజేష్ తో పెద్ద గొడవే పడ్డాడు. అప్పటి నుంచీ మీరా తన కుటుంబానికి దూరంగా ఉంటోంది. ప్రస్తుతం మీరా చేతిలో చెప్పుకోదగ్గ సినిమాలు లేవు. ఆ మధ్య రిలీజైన సినిమాలన్నీఫ్లాఫ్ అయ్యాయి. మనిషి కూడా ఒళ్ళు చేసిందని నిర్మాతలు దూరం పెడ్తున్నారు. ఈ నేపధ్యంలో మీరా మ్యారేజ్ నిర్ణయం తీసుకున్నా పెద్ద ఆశ్చర్యం లేదు.

More from Filmibeat