RRRలో రామ్ చరణ్ పాత్రపై అనుమానం.. మెగా ఫ్యాన్స్ ఆగ్రహం

శేఖర్ ఇంటర్వ్యూ వైరల్..

దాదాపు రాజమౌళి ప్రతీ సినిమాలో కనిపించే నటుడు శేఖర్. ఈమధ్య ఓ ఇంటర్వ్యూలో మాట్లాడుతూ ఎన్టీఆర్ మూడు విభిన్న గెటప్స్ లో కనిపిస్తారని.. ఆ పాత్రల్లో ఎన్టీఆర్ లీనమై నటిస్తున్నారని చెప్పుకొచ్చారు. ఎన్టీఆర్ స్నేహితుడి పాత్రలో నటిస్తున్నానని చెప్పుకొచ్చాడు.

మరోలా ప్రచారం..

అయితే శేఖర్ చెప్పిన విషయం మరో రకంగా ప్రచారమైంది. ఎన్టీఆర్ పాత్రకు ప్రాధాన్యం ఎక్కువ గా ఉందని.. రామ్ చరణ్ పాత్రను డామినేట్ చేస్తుంది అన్నట్టుగా కొందరు కట్టు కథలు అల్లారు. దీంతో మెగా ఫ్యాన్స్ హర్ట్ అయ్యారని తెలుస్తోంది.

అలాంటిదేమీ లేదు..

ఎన్టీఆర్ క్యారెక్టర్ ఎక్కువ.. చరణ్ క్యారెక్టర్ తక్కువ అనేది లేదని.. ఇద్దరివి ఎంతో ప్రాముఖ్యత ఉన్న పాత్రలని రాజమౌళికి సన్నిహితంగా ఉండేవారు చెప్తున్నారు. ఇలాంటివి పుకార్లు నమ్మవద్దని వారు కోరుతున్నారు. ఓ మాస్ డైరెక్టర్‌కు ఇలాంటి ఇద్దరి స్టార్ హీరోలను ఎలా బ్యాలెన్స్ చేయాలో తెలియదా? అని కొందరు కామెంట్స్ చేస్తున్నారు.

బిజీబిజీగా..

ఆర్ఆర్ఆర్ మూవీ షూటింగ్.. హైద్రాబాద్ పరిసర ప్రాంతాల్లో జరుగుతోంది. తాజాగా ఈ షెడ్యూల్‌లో బాలీవుడ్ స్టార్ అజయ్ దేవగణ్ జాయిన్ అయిన సంగతి తెలిసిందే. రామ్ చరణ్, ఎన్టీఆర్, రాజమౌళి, అజయ్ దేవగణ్ కలిసి దిగిన ఫోటోలు సోషల్ మీడియాలో వైరల్ కాసాగాయి.