సూసైడ్ చేసుకోవాలనకున్న మెగా హీరో.. ఆ అమ్మాయే కారణం.. కానీ పవర్ స్టార్ ఎంట్రీతో!

ఆ మధ్యలో బైక్ యాక్సిడెంట్ వల్ల చాలా కాలం పాటు బెడ్ రెస్ట్ తీసుకున్న మెగా హీరో సాయితేజ్.. దాదాపు చావు అంచులకు వరకు ‌వెళ్లి వచ్చిన సంగతి తెలిసిందే. అయితే ఆయన గతంలో ఓ సారి సూసైడ్ చేసుకోవాలనుకున్నారట. అవును ప్రస్తుతం ఈ విషయం గురించి బయట వార్తలు వస్తున్నాయి. వివరాళ్లోకి వెళితే...

మెగా మేనల్లుడిగా.. :పిల్ల నువ్వు లేని జీవితం చిత్రంతో తెలుగు చిత్రసీమలోకి ఎంట్రీ ఇచ్చిన సాయిధరమ్ తేజ్... తొలి చిత్రంతోనే తనకంటూ ఓ గుర్తింపును తెచ్చుకున్నారు. మధ్యలో సుబ్రమణ్యం ఫర్ సేల్ చిత్రంతో ఓ కమర్షియల్ హిట్ ను అందుకుని ఫ్యాన్స్ ను సంపాదించుకున్నారు. అలా మెగా కంపౌండ్ నుంచి వచ్చిన మెగా మేనల్లుడిగా ఇండస్ట్రీలో రాణిస్తూ సుప్రీం హీరోగా ఎదిగారు.

విరూపాక్షతో సక్సెస్... :అయితే ఈ ఏడాది విరూపాక్ష చిత్రంతో సాయి తేజ్ భారీ హిట్ ను అందుకున్నారు. కెరీర్ ఆయనకు ఇదే తొలి బిగ్గెస్ట్ హిట్ అని చెప్పాలి. లెక్కల మాస్టారు సుకూమార్ శిష్యుడు కార్తిక్ దండు ఈ చిత్రాన్ని తెరకెక్కించారు. అలా చాలా రోజుల తర్వాత మళ్లీ సక్సెస్ ట్రాక్ లోకి అడుగుపెట్టారు. ప్రస్తుతం తన మేనమావ పవర్ స్టార్ పవన్ కల్యాణ్ తో కలిసి మల్టీస్టారర్ సినిమా బ్రో చేశారు. ఇది మరో ఐదు రోజుల్లో విడుదల కానుంది. ఈ సినిమా ప్రమోషన్స్ లో బిజీగా ఉన్నారాయన.

షాకింగ్ విషయం... :ఇటువంటి ఆయనకు సంబంధించి ఓ షాకింగ్ విషయం బయటకు వచ్చింది. అదేంటంటే.. సాయి తేజ్ ఓ తప్పు చేసేందుకు ప్రయత్నించారట. చదువుకునే రోజుల్లో చాలా మంది యూత్ లాగే ఆయన చేయబోయారట. అదే ప్రేమించడం.. అవును మీరు చదివింది నిజమే. బయటు ఇప్పుడు ఇవే కథనాలు కనిపిస్తున్నాయి. సాయి తేజ్ చదువుకునే రోజుల్లోనే ఓ అమ్మాయిని బాగా ఇష్టపడ్డారట. అయితే ఆ అమ్మాయిని పెళ్లి చేసుకుందాం అనుకుంటే.. అది కుదరలేదట. అమ్మాయికి వేరే పెళ్లి అయిపోయిందట.

గతాన్ని మరిచి... :ఇక ఈ విషయం తెలిసుకున్న సాయి ధరమ్ తేజ్ తట్టుకోలేకపోయారు. దీంతో ఆ అమ్మాయిని మర్చిపోలేక ఆత్మహత్య చేసుకోవాలి అనుకున్నారట. కానీ పవన్ కళ్యాణ్ జోక్యం చేసుకోవడం వల్ల దాన్ని విరమించుకున్నారట. ఆ తర్వాత సినిమాల్లోకి ఎంట్రీ ఇచ్చి రాణించారట. ప్రస్తుతం గడిచిపోయిన గతాన్ని మర్చిపోయి సినిమాలు చేసుకుంటూ హాయిగా ఉంటున్నారు.

సినిమాలకు బ్రేక్..:ప్రస్తుతం సాయి ధరమ్ తేజ్.. పవన్ కల్యాణ్ తో బ్రో సినిమా చేస్తున్న సంగతి తెలిసిందే. ఇక ఈ సినిమా తర్వాత ఓ షార్ట్ ఫిలిం చేయనున్నారని వార్తలు వస్తున్నాయి. ఇక ఏడాది పాటు సాయి ధరమ్ తేజ్ సినిమాలకు గ్యాప్ ఇవ్వనున్నారని తెలుస్తోంది. ఎందుకంటే.. గతంలో తేజుకు యాక్సిడెంట్ అయిన సంగతి తెలిసిందే. ఆ ట్రీట్ మెంట్ కోసమే తేజు సినిమాలకు బ్రేక్ ఇస్తున్నారని తెలుస్తోంది.