Click it and Unblock the Notifications
ఆగస్టులో మెగా ఫ్యాన్స్కి మరో పండుగ.. మొత్తానికి మూడు ముళ్లు వేస్తున్నారు!
మెగా ప్రిన్స్ వరుణ్ తేజ్ - లావణ్య త్రిపాఠి నిశ్చితార్థం ఇటీవలే అంగరంగ వైవభంగా జరిగిన సంగతి తెలిసిందే. అయితే తాజాగా.. వీరికి సంబంధించిన ఓ వార్త సోషల్ మీడియా లో తెగ చక్కర్లు కొడుతోంది. వీరిద్దరి పెళ్లి ముహూర్తం ఫిక్స్ అయినట్లు తెలిసింది. వివరాల్లోకి వెళితే...
గ్రాండ్ గా ఎంగేజ్మెంట్: వరుణ్ తేజ్ - క్యూట్ హీరోయిన్ లావణ్య త్రిపాఠితో డేటింగ్లో ఉన్నారని చాలా రోజులుగా ప్రచారం సాగిన సంగతి తెలిసిందే. అయితే ఇటీవలే ఈ వార్తలను నిజం చేస్తూ ఇద్దరు గ్రాండ్ గా నిశ్చితార్థం చేసుకున్నారు. మెగా ఫ్యామిలీ అల్లు ఫ్యామిలీ తో పాటు పలువురు సెలబ్రిటీలు వచ్చి వేడుకలో సందడి చేశారు. కాబోయే కొత్త జంటను ఆశీర్వదించారు.
ఫారిన్ ట్రిప్కు: ఇక ఎంగేజ్మెంట్ తర్వాత వరుణ్ లావణ్య ఫారిన్ ట్రిప్కు వెళ్లి ఫుల్ ఎంజాయ్ చేశారు. ఇటీవలే కాఫీ డేట్కు కూడా వెళ్ళి వచ్చారు. ఈ విషయాన్ని ఇద్దరు స్వయంగా తమ ఇన్స్టాగ్రామ్ స్టోరీస్లో ఒకరి ఫోటోను మరొకరు షేర్ చేసుకున్నారు. దీంతో ఈ క్యూట్ కపుల్ ఫొటోస్ ను.. మెగా ఫ్యాన్స్ తెగ ట్రెండ్ చేశారు.
ఒక్కటయ్యే క్షణం: పెళ్లి డేట్.. వరుణ్-లావణ్య ఒక్కటయ్యే క్షణం వచ్చే సిందంటూ ప్రస్తుతం ఓ వార్త చక్కర్లు కొడుతోంది. ఆగస్టు 24వ తేదీన.. ఇటలీలో వీరి వివాహం గ్రాండ్గా జరగనుందని అంతా అంటున్నారు. అక్కడే వారి ప్రేమ చిగురించిందట. మరో విషయమేమిటంటే.. పెళ్లికి సంబంధించిన పనులను లావణ్య, వరుణ్ దగ్గరుండి మరీ చూసుకుంటున్నారట.
అభినందనలు తెలుపుతూ: ప్రస్తుతం ఈ పెళ్లి మూహుర్తం గురించి సోషల్ మీడియాలో తెగ వైరల్ అవుతోంది. మెగా అభిమానులు, నెటిజన్లు ఈ జంటకు కంగ్రాట్స్ తెలుపుతున్నారు. మరి ఈ వార్త ఒరిజినలా.. లేదా ఫేకా అని తెలియాల్సి ఉంది. ఎందుకంటే ఈ విషయం పై మెగా ఫ్యామిలిలో ఎవరు స్పందించలేదు. కానీ సోషల్ మీడియాలో మాత్రం తెగ వైరల్ అవుతోంది.
సినిమాలు: 2017లో విడుదలైన మిస్టర్ సినిమా కోసం తొలిసారి వరుణ్- లావణ్య కలిసి నటించారు. ఆ సమయంలోనే వీరిద్దరూ ఫ్రెండ్స్ అయ్యారు. ఆ తర్వాత ఏడాదిలోనే వీరి కాంబినేషన్లో మరో సినిమా అంతరిక్షం వచ్చింది. ఈ రెండు అంతగా ఆకట్టుకోలేదు. ఇక ఇదే సమయంలో ఇద్దరు ప్రేమలో పడ్డారు. ఇకపోతే ప్రస్తుతం వరుణ్ నటిస్తున్న గాండీవధారి అర్జున ఆగస్టు 25న విడుదలకు సిద్ధంగా ఉంది.
దీని తర్వాత వరుణ్.. శక్తి ప్రతాప్ సింగ్ దర్శకత్వంలో ఓ పాన్ ఇండియా సినిమా, కరుణ్కుమార్ దర్శకత్వంలో మరో మూవీ చేయనున్నారు. మరోవైపు, లావణ్య.. ప్రస్తుతం కోలీవుడ్లో అధర్వ హీరోగా ఓ సినిమా చేస్తోంది. ఇంకా పీపుల్స్ మీడియా ఫ్యాక్టరీ, అన్నపూర్ణ స్టూడియోస్ బ్యానర్పై ఓ సినిమా, వెబ్సిరీస్ చేస్తోంది.
Continue with Google