కొరటాల శివతో మూవీ.. డ్యూయెల్ రోల్‌లో మెగాస్టార్!

మెగాస్టార్ చిరంజీవి రాజకీయాలకు గ్యాప్ ఇచ్చిన తరువాత ఖైదీ నెం 150 చిత్రంతో ఘనంగా సినిమాల్లోకి రీ ఎంట్రీ ఇచ్చారు. ఈ చిత్రంలో చిరంజీవి ద్విపాత్రాభినయం చేసిన సంగతి తెలిసిందే. మరో మారు మెగాస్టార్ డ్యూయెల్ రోల్ లో నటించేందుకు సిద్ధం అవుతున్నట్లు వార్తలు వస్తున్నాయి.

Recommended Video

సైరా చిత్రం తరువాత చిరంజీవి చేయబోతే చిత్రం కొరటాల శివతోనే అని ప్రచారం జరుగుతోంది. ఈ చిత్రంలో చిరంజీవి పోషించబోయే పాత్రల గురించి కూడా ఆసక్తికరమైన న్యూస్ బయటకు వచ్చింది. కమర్షియల్ అంశాలతో సందేశాన్ని ఇవ్వడంతో కొరటాల శివ సిద్ధహస్తుడు. చిరంజీవి కోసం కూడా ఆయన అలాంటి కథనే సిద్ధం చేస్తున్నారట.

చిరు ఈ చిత్రంలో బిలీనియర్ అయిన ఎన్నారైగా, చిన్న గ్రామంలో రైతుగా రెండు పాత్రల్లో కనిపించబోతున్నట్లు తెలుస్తోంది. అంచనాలు పెంచుతున్న ఈ వార్త గురించి అధికారికంగా ప్రకటన రావలసి వుంది. సైరా చిత్రం ఓ కొలిక్కి వచ్చాక కొరటాల శివ చిత్రం ప్రకటించే అవకాశం ఉన్నట్లు వార్తలు వస్తున్నాయి. మిర్చి, శ్రీమంతుడు, జనతా గ్యారేజ్, భరత్ అనే నేను వంటి నాలుగు వరుస బ్లాక్ బస్టర్ విజయాలతో కొరటాల తిరుగులేని దర్శకుడిగా అవతరించారు.