విజయ్ దేవరకొండ ఆ సాహసం చేస్తున్నాడా.. మెగాస్టార్ టైటిల్‌తో!

రెండు విజయాలు

విజయ్ దేవరకొండ నటించిన మూడు చిత్రాలు ఈ ఏడాది విడుదలయ్యాయి. వాటిలో గీత గోవిందం, టాక్సీవాలా చిత్రాలు మంచి విజయాన్ని అందుకున్నాయి. పొలిటికల్ డ్రామాగా వచ్చిన నోటా నిరాశపరిచింది. గీత గోవిందం చిత్రం రొమాంటిక్ ఎంటర్ టైనర్ గా వచ్చి వసూళ్ల సునామి సృష్టించింది. హర్రర్, థ్రిల్లర్ అంశాలతో వచ్చిన నోటా చిత్రం కూడా మంచి విజయాన్ని సొంతం చేసుకుంది.

డియర్ కామ్రేడ్‌తో బిజీ

ప్రస్తుతం విజయ్ దేవరకొండ డియర్ కామ్రేడ్ చిత్రంలో నటిస్తున్నాడు. డెబ్యూ దర్శకుడు భరత్ కమ్మ ఈ చిత్రాన్ని తెరకెక్కిస్తున్నాడు. క్రేజీ హీరోయిన్ రష్మిక మందన ఈ చిత్రంలో మరోమారు విజయ్ దేవరకొండ సరసన నటిస్తోంది. విజయ్ దేవరకొండ స్టూడెంట్ పాత్రలో నటిస్తున్నాడు. ఈ చిత్రం షూటింగ్ దశలో ఉండగానే మరికొన్ని క్రేజీ ప్రాజెక్ట్స్ ని విజయ్ లైన్లో పెడుతున్నాడు.

మెగాస్టార్ టైటిల్

మెగాస్టార్ చిరంజీకి నటించిన హీరో చిత్రం 1984లో విడుదలై మంచి విజయం సాధించింది. ఈ టైటిల్ పై విజయ్ దేవరకొండ కన్నేసినట్లు వార్తలు వస్తున్నాయి. పాత చిత్రాల టైటిల్స్ ని రిపీట్ చేస్తే ఆడియన్స్ లో ఆసక్తి పెరుగుతుంది. గతంలో చాలా మంది హీరోలు పాత చిత్రాల టైటిల్స్ తో సినిమాలు చేశారు. ప్రముఖ నిర్మాణ సంస్థ ఈ చిత్రాన్ని రూపొందించబోతున్నట్లు తెలుస్తోంది. ఈ చిత్రానికి సంబంధించిన మరిన్ని వివరాలు త్వరలో తెలియనున్నాయి.

ప్లాప్ అయినా కూడా

విజయ్ దేవరకొండ నటించిన తొలి తమిళ చిత్రం నోటా.తెలుగు, తమిళ ద్విభాషా చిత్రంగా వచ్చిన నోటా పూర్తిగా నిరాశపరిచింది. అయినా కూడా విజయ్ దేవరకొండ తమిళంలో మరో ప్రయత్నానికి అవుతున్నాడు. డ్రీమ్ వారియర్ పిక్చర్ సంస్థ ఈ చిత్రాన్ని నిర్మించబోతోంది. శ్రీకార్తిక్ ఈ చిత్రానికి దర్శకుడిగా పరిచయం కాబోతున్నాడు. ప్రచారంలో ఉన్న హీరో టైటిల్ ఈ చిత్రం కోసమేనా అనేది తేలాల్సి ఉంది.