twitter
    For Quick Alerts
    ALLOW NOTIFICATIONS  
    For Daily Alerts

    బాలయ్య మాట వింటాడా?

    By Staff
    |

    Balakrishna
    మేడే రోజున బాలకృష్ణ, ప్రియమణి కాంబినేషన్లో చేసిన మిత్రుడు రిలీజ్ ప్లాన్ చేసారు. అయితే బాలయ్య గత ఫ్లాపులను దృష్టిలో పెట్టుకుని పంపిణీ దారులెవరూ ఈ సినిమాని కొనటానికి ముందుకు రాలేదని సమాచారం. దాంతో నిర్మాత శివలెంక కృష్ణ ప్రసాదే పంపిణీ బాధ్యతలను తన భుజాలపై వేసుకుని సొంతగా విడుదల చేసేందుకు ప్రయత్నాలు చేస్తున్నారు. అందుకు తగినట్లుగానే మే 14 కి రిలీజ్ డేట్ మార్చాలని నిర్ణయించుకుని బాలయ్యకు తెలియచేసారు. అయితే బాలకృష్ణ ఒప్పుకోలేదని, మొదట ప్రకటించిన రోజునే రిలీజ్ చేయాలని అన్నారని చెప్పుకుంటున్నారు.

    మరో ప్రక్క బాలకృష్ణ రెండవ విడత ఎలక్షన్ ప్రచారంలో పాల్గొన్నప్పటికీ, తన వంతు బాధ్యతగా డబ్బింగ్ పూర్తి చేసి తన భాధ్యతను నిర్వర్తించుకున్నారు. ఈ విషయం సెటిల్ చేయటానికి బాలయ్య బుధవారం తన సన్నిహితులతో సమావేశమయ్యారు. వారు ఎం.సెట్ మే 14న జరుగుతోందని, మద్రాసులోనూ 13న ఎన్నికలు జరుగుతుండటం వంటి కారణాలు వివరించారు. అందుకు తగినట్లుగా ఈ సినిమాను మే 14న విడుదల చేయాలని సూచించారని తెలుస్తోంది. వారంతా మైనస్ లు ప్లస్ లు వివరించాని బాలయ్య కన్వీన్స్ కాలేదని తెలుస్తోంది.

    ఏదిఏమైనా ముందుగా అనుకున్న టైమ్‌ లోనే సినిమాను రిలీజ్ చేస్తామని, ఇందులో వెనుకడుగు వేసే ప్రసక్తేలేదని బాలయ్య సన్నిహితులతో చెప్పినట్లు సమాచారం. ఇంతకీ మిత్రుడు మే డే రోజున రిలీజవుతుందో లేక మే 14 న రిలీజ్ అవుతుందో చూడాలి. అదే రోజున రవితేజ, ఇలియానా కాంబినేషన్ కిక్ రిలీజ్ ఉంది.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X