Don't Miss!
- News కేసీఆర్ డ్రామా అదిరిందయ్యా చంద్రం!
- Finance Gold Bonds: గోల్డ్ బాండ్స్ ప్రీమెచూర్ ధర ప్రకటించిన ఆర్బీఐ.. పూర్తి వివరాలివే..
- Automobiles సేఫ్టీలో మహీంద్రా బొలెరో నియోకు కేవలం 1-స్టార్ రేటింగ్.. దీనిపై కంపెనీ ఏమందంటే??
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
- Sports ఆ చెత్త నిర్ణయమే ఆర్సీబీ కొంపముంచింది- ఫించ్
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
‘మిస్టర్ అండ్ మిసెస్ వెంకటేశం’??
ప్రకాష్ రాజ్, భూమిక జంటగా నటిస్తోన్న చిత్రానికి 'మిస్టర్ అండ్ మిసెస్ వెంకటేశం" అనే పేరు పరిశీలనలో ఉన్నట్లు సమాచారం. ఈ చిత్రాన్ని అమోద్ ఎంటర్టైన్మెంట్స్ పతాకంపై టేకుల కృపాకరరెడ్డి నిర్మిస్తూ దర్శకత్వం వహిస్తున్నారు. కొంతకాలం దాసరి నారాయణరావు దగ్గర పనిచేసి, విదేశాలకు వెళ్లొచ్చిన తర్వాత ఈ కుటుంబకథా చిత్రాన్ని రూపొందిస్తున్నట్లు ఆయన చెప్పారు.
దర్శకుడు కృపాకరరెడ్డి మాట్లాడుతూ ప్రకాష్రాజ్ కలెక్టర్గా, భూమిక ఎం.బి.ఎ. చదివిన గృహిణిగా ఇందులో నటిస్తోంది. భార్యాభర్తలైన వీరిద్దరి మధ్య తరగని కీచులాటలు వారి జీవితంలో ఎటువంటి మార్పులు తెచ్చాయనేదే చిత్ర కథాంశమని చెప్పారు. లేడీ ఓరియెంటేడ్ మూవీగా రూపొందుతోన్న ఇందులో భూమిక ఆస్పత్రిలో చేరే సన్నివేశాల్ని బుధవారంనాడు హైదరాబాద్లోని నానక్రామ్గూడా సినీవిలేజ్లో చిత్రీకరిస్తున్నారు. దీంతో రెండో షెడ్యూల్ పూర్తవుతుంది. నవంబర్లో మిగిలిన టాకీ, డిసెంబర్లో పాటల చిత్రీకరణతో చిత్రం పూర్తవుతుందని, జనవరిలో సినిమాను విడుదల చేస్తామని దర్శకుడు చెప్పారు.
పరుచూరి వెంకటేశ్వరరావు మాట్లాడుతూ.. కామెడీ పార్ట్ హైలైట్గా ఉంటుందన్నారు. భార్యాభర్తల మధ్య అనుబంధం ఎలా ఉండాలి? ఎలా ఉండకూడదు? అనేది ఈ చిత్రంలో చూపించే ప్రయత్నం చేస్తున్నామన్నారు. భూమిక మాట్లాడుతూ.. మంచి కథాంశంతో కూడిన చిత్రంలో నటించడం ఆనందంగా ఉందని పేర్కొంది. సీనియర్ నటుడు ప్రకాష్రాజ్తో కలిసి చేయడం చాలా హ్యాపీగా ఉందని చెప్పింది. ఇంకా ఈ చిత్రంలో శివపార్వతి, ఢిల్లీ రాజేశ్వరి, వైజాగ్ ప్రసాద్, వేణుమాధవ్, బాబూమోహన్, ధర్మవరపు, బ్రహ్మానందం తదితరులు నటిస్తున్నారు.