For Quick Alerts
    ALLOW NOTIFICATIONS  
    For Daily Alerts

    ఈవెంట్ మేనేజర్ గా నాగార్జున..కథేమిటంటే...

    By Srikanya
    |

    హైదరాబాద్ : నాగార్జున, దశరధ్ కాంబినేషన్ లో ఓ చిత్రం రూపొందుతున్న సంగతి తెలిసిందే. ఈ చిత్రంలో నాగార్జున ఈవెంట్ మేనేజర్ గా కనిపించనున్నారని సమాచారం. అలాగే హీరోయిన్ నయనతారది పిల్లల వైద్యనిపుణురాలి పాత్ర. వీరిద్దరి మధ్య జరిగే సన్నివేశాలు యువతరాన్ని ఓ రేంజ్‌లో అలరిస్తాయని చెప్తున్నారు. మన్మధుడు చిత్రం తరహాలో సీన్స్ ఫన్నీగా ఉంటాయని అంటున్నారు.

    కథ ప్రకారం..ఈవెంట్ మేనేజర్ గా చేస్తున్న నాగార్జున...అక్కడ ఓ ఈవెంట్ లో భారీగా దెబ్బతినటంతో ఇండియాలో ఉన్న తన ఆస్తిని అమ్మి రికవరీ చేసుకుందాని వస్తారు. ఈ జర్నిలో నయనతార పరచయమవుతుంది. అక్కడనుంచి ఆమెతో నాగార్జున పరిచయం ఎలా ముందుకెళ్లింది. డబ్బే లోకంగా బ్రతికే నాగార్జున...కుటుంబ విలువలు,ప్రేమ వంటివాటికి ప్రయారిటి ఇవ్వాలని ఎలా తెలుసుకున్నాడు వంటి విషయాలతో సినిమా నడుస్తుందని ఫిల్మ్ నగర్ టాక్.

    ఈ చిత్రం 12 రోజుల టాకీ మినహా ఈ సినిమా షూటింగ్ పూర్తి చేసుకుంది. ఈ నెల 21 నుంచి ఫిబ్రవరి 6 వరకు మిగిలిన టాకీని పూర్తి చేస్తారని తెలిసింది. ఇందులో ఉండే ఆరు పాటల్లో అయిదు పాటల చిత్రీకరణ ఇప్పటికే పూర్తయింది. మిగిలిన ఒక్క పాటను నాగ్, నాయనతారపై త్వరలోనే చిత్రీకరించనున్నారు.

    హైదరాబాద్, యూరప్, అమెరికా, బ్యాంకాక్ లాంటి అందమైన ప్రదేశాల్లో ఈ చిత్రం షూటింగ్ జరుపుకుంది. ఈ సినిమాకు 'లవ్‌స్టోరీ' అనే టైటిల్‌ని నిర్ణయించినట్లుగా గతంలో వార్తలొచ్చాయి. ఇప్పుడేమో... 'సరిలేరు నీకెవ్వరూ' అని ప్రచారం జరుగుతోంది. అయితే ఈ రెండు టైటిల్సూ కాదని, ఈ వారంలోనే అసలు టైటిల్‌ని ప్రకటిస్తారని సమాచారం.

    దశరథ్, నాగార్జున కాంబినేషన్‌లో పదకొండేళ్లక్రితం వచ్చిన 'సంతోషం' చిత్రం మించి ఈ చిత్రం ఉంటుందని తెలుస్తోంది నయనతార హీరోయిన్ గా నటిస్తున్న ఈ చిత్రాన్ని డి.శివప్రసాద్‌రెడ్డి నిర్మిస్తున్నారు. చాలాకాలం తర్వాత నాగ్ ప్రేమకథలో నటించటం ఆయన అభిమానుల్లో ఆనందాన్ని నింపుతోంది.

    English summary
    
 Nagarjuna will be shown as Event Manager in his latest film with Dasarath.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X