అసెస్టెంట్ దర్శకుడుగా నాగ చైతన్య!?

నాగచైతన్య రెండవ చిత్రం గౌతమ్ మీనన్ దర్శకత్వంలో రూపొందుతున్న సంగతి తెలిసిందే.ప్రస్తుతం షూటింగ్ జరుపుకుంటున్న ఈ చిత్రంలో నాగచైతన్య అసెస్టెంట్ డైరక్టర్ పాత్రను పోషిస్తున్నట్లు తెలుస్తోంది. సినీ పరిశ్రమ నేపధ్యంలో ఈ చిత్రం రూపొందుతోంది.ఇదొక రొమాంటిక్ డ్రామా అని తెలుస్తోంది. ఇక మంజుల నిర్మిస్తున్న ఈ చిత్రానికి ఎ.ఆర్.రహమాన్ సంగీతం అందిస్తున్నాడు. నాగచైతన్య మొదటి సినిమా జోష్ పరాజయం పాలవటంతో ఈ చిత్రం కోసం అన్ని జాగ్రత్తలు తీసుకుంటున్నారు. ఇక ఈ చిత్రం ద్వారా సమంత అనే టీనేజ్ గర్ల్ హీరోయిన్ గా పరిచయమవుతోంది. మొదటి షెడ్యూలు చెన్నై లో జరుపుకున్న ఈ చిత్రం రెండో షెడ్యూలు నిమిత్తం అమెరికా వెళ్ళింది. గౌతమ్ మీనన్ గతంలో ఘర్షణ చిత్రాన్ని వెంకటేష్ తో చేసారు. ఆ సినిమా టెక్నికల్ గా పేరు తెచ్చుకున్నా వర్కవుట్ కాలేదు.