హోమ్

గాసిప్స్

గోల్డెన్ డేస్ నాటి ఓల్డ్ పాట...నా కళ్ళు చెప్తున్నాయి...నిన్ను ప్రేమిస్తున్నాయని..నా హృదయం చెప్తోంది..(ప్రేమాభిషేకం) గుర్తుండే ఉంటుంది. ఈ పాట ఇప్పుడు నాగచైతన్య తాజా చిత్రం కోసం రీమిక్స్ చేస్తున్నారు. గీతా ఆర్ట్స్ బ్యానర్ పై నిర్మితమయ్యే ఈ పాటని తమన్నా, నాగచైతన్య డాన్స్ చేస్తారు. ఈ విషయమై నాగచైతన్య చాలా సంతోషంగా ఉన్నారు. ఇక ఈ చిత్రం ద్వారా ఎస్.పి.బాలసుబ్రమణ్యం, పి.సుశీల గానం చేసిన ఈ పాట మళ్ళి మనం వినబోతున్నాం. దేవిశ్రీ ప్రసాద్ సంగీతం అందిస్తున్న ఈ చిత్రాన్ని బన్నీ వాసు నిర్మిస్తున్నారు.

ఇక ఈ చిత్రం గురించి హీరో నాగచైతన్య చాలా కాన్ఫిడెంట్ గా ఉన్నారు. అతను మాట్లాడుతూ...నేను గీతా ఆర్ట్స్ లో చేయటం ఆనందంగా ఉంది. చాలా మంది మంచి టెక్నీషియన్స్ ఈ చిత్రం కోసం పని చేస్తున్నారు. అలాగే సుకుమార్ డెడికేటెడ్ డైరక్టర్. అయితే ఆ విషయం స్క్రిప్టు నేరేట్ చేస్తున్నప్పుడు అనుభవంలోకి వచ్చింది. నా మూడో చిత్రాన్ని ఓ యాక్షన్ ఎంటర్టైనర్ చేయాలనుకున్నాను. అయితే ఈ స్క్రిప్టు విన్నాక ఆ నిర్ణయం మార్చుకున్నాను. ప్రతీ ఒక్కరికీ నచ్చే ఎలమెంట్ ఈ స్క్రిప్టులో ఉంది అంటున్నారు. ఇది ఓ రొమాంటిక్ ఎంటర్టైనర్.