ఆరు క్రేజీ ప్రాజెక్టులతో నాగ చైతన్య.. ఒక్కో ప్రాజెక్టుకు భారీగా, దిమ్మతిరిగే రెమ్యునరేషన్

మజిలీ సినిమా నుంచి

నాగ చైతన్య కెరీర్ చాలా డిఫరెంట్ గా కొనసాగుతోంది. ఒక వైపు యూత్ కు కనెక్ట్ అవుతున్నాడు. మరోవైపు ఫ్యామిలీ ఆడియెన్స్ కు కూడా దగ్గరవుతున్నాడు. లైఫ్ పాట్నర్ జెస్సి వచ్చిన తరువాత లైఫ్ ఒక్కసారిగా మారిపోయిందనే చెప్పాలి. ముఖ్యంగా మజిలీ సినిమా నుంచి చైతన్య మార్కెట్ అంతకంతకు పెరుగుతూనే ఉంది.

బిగ్గెస్ట్ ఓపెనింగ్స్

శైలజా రెడ్డి అల్లుడు లాంటి సినిమాకు కెరీర్ లో బిగ్గెస్ట్ ఓపెనింగ్స్ అందుకున్నాడు. ఆ సినిమా యవరేజ్ టాక్ తోనే పెట్టిన పెట్టుబడిని ఈజీగా వెనక్కి తెచ్చాడు. ఇక వెంకీ మామ అనంతరం లవ్ స్టోరీని గత ఏడాది సమ్మర్ లోనే రిలీజ్ చేయాలని అనుకున్నప్పటికి కరోనా దెబ్బతో వాయిదా వేయాల్సి వచ్చింది. ఈ సినిమా భారీ స్థాయిలో ఓపెనింగ్స్ అందుకుంటుందని చెప్పవచ్చు.

లైనప్ లో 6 సినిమాలు

ఇక రానున్న రోజుల్లో నాగ చైతన్య నుంచి మరిన్ని డిఫరెంట్ సినిమాలు రాబోతున్నాయి. ప్రస్తుతం లైనప్ లో 6 సినిమాలు ఉన్నాయి. మనం దర్శకుడు విక్రమ్ కుమార్ దర్శకత్వంలో థాంక్యూ అనే సినిమా చేస్తున్న విషయం తెలిసిందే. ఈ సినిమాపై అంచనాలు భారీగానే ఉన్నాయి.

బాలీవుడ్ ఎంట్రీ..

ఇక మొదటిసారి బాలీవుడ్ లో కూడా నటించడానికి ఈ స్టార్ హీరో రెడీ అవుతున్నట్లు టాక్. అమీర్ ఖాన్ న్యూ ప్రాజెక్ట్ లాల్ సింగ్ చద్దా సినిమాలో చైతన్య ఒక ముఖ్యమైన పాత్రలో కనిపించనున్నట్లు తెలుస్తోంది. అలాగే మోహన్ కృష్ణ ఇంద్రగంటి దర్శకత్వంలో ఒక సినిమా చేయనున్నాడు.

టాలెంటెడ్ దర్శకులతో

వెంకటేష్ తో సినిమా చేయాల్సిన దర్శకుడు తరుణ్ భాస్కర్ ఇప్పుడు నాగ చైతన్య కోసం స్క్రిప్ట్ రెడీ చేస్తున్నాడు. సురేష్ బాబు ప్రొడక్షన్ లోనే ఆ సినిమాను నిర్మించనున్నారు. ఇక మైత్రి మూవీ మేకర్స్ లో పరశురామ్ తో ఒక సినిమా అనుకున్న విషయం తెలిసిందే. అలాగే రంగ్ దే దర్శకుడు వెంకీ అట్లూరితో కూడా సినిమా చేయబోతున్నాడు.

Recommended Video

Pitta Kathalu Team Interview With Ramya Krishna

సినిమాల ద్వారా చైతన్య ఆదాయం

ఈ విధంగా ఆరు సినిమాలను లైన్ లో పెట్టిన నాగ చైతన్య వచ్చే రెండేళ్ల వరకు బిజీగా గడపనున్నాడు. అయితే ఈ సినిమాల ద్వారా నాగ చైతన్య భారీ స్థాయిలో ఆదాయాన్ని పెంచుకుంటున్నాట్లు తెలుస్తోంది. ప్రస్తుతం ఒక సినిమాకు 8కోట్లకు అటు ఇటుగా తీసుకున్నట్లు సమాచారం. అంటే 6 సినిమాల ద్వారా చైతన్య ఆదాయం దాదాపు 50కోట్లకు దగ్గరలో ఉంది. పైగా మధ్యమధ్యలో కమర్షియల్ యాడ్స్ చేస్తున్నాడు కాబట్టి ఈ లెక్కలు మరింత పెరగవచ్చు.