మన్మధుడు ఆ పనుల్లో బిజీ

By Staff

Published: Saturday, March 14, 2009, 17:22 [IST]

నవ మన్మధుడు నాగార్జున సినిమాలు ప్రక్కన పెట్టి తాజాగా రియల్ ఎస్టేట్ పనుల్లో బిజీగా ఉన్నాడని సమాచారం. అందులోనూ కింగ్ అనుకున్నంత రేంజిలో వర్కవుట్ కాకపోవటం ఆయన్ను నిరాసపరిచి ఆలోచనలో పడేసిందంటున్నారు. దాంతో కొడుకు నాగచైతన్య కెరీర్ పైనా అన్నపూర్ణ స్టూడియోలో జరుపుతున్న అభివృథ్ది పనల్లో బిజీగా ఉంటున్నారని తెలుస్తోంది. అయితే ఆయన ఓ కొత్త దర్శకుడు దర్శకత్వంలో సినిమా ఓకే చేసాడనే వార్తలు మరో ప్రక్కన వినపడుతున్నాయి. ఆ మధ్యన శేఖర్ కమ్ములకి ఓపెన్ ఆఫర్ ఇచ్చినా ఆయన స్క్రిప్టు రెడీగా లేదని తప్పుకున్నారు.

మరో ప్రక్క దిల్ రాజు క్యాంప్ లో నాగార్జున కోసం చెప్పిన కథ మెగుడూ పెళ్ళాలు విడిపోయి, కలవటం అనే అశంపై ఉండటంతో దాన్ని నిరాకరించినట్లు చెప్తున్నారు. అయినా ఇప్పుడు తన కొడుకు సినిమాకు పోటీ నిలబడటం అవసరమా అనే ఆలోచనలో కొంత జాప్యం చేస్తున్నాడనేది టాక్. ఇవన్నీ ఒక ఎత్తయితే అనేక రియల్ ఎస్టేట్ ప్రాజెక్టులను కూడా నాగార్జున చేపట్టాడని టాలీవుడ్ వర్గాల్లో పెద్ద ఎత్తున వినపడ్తోంది. పెద్ద పెద్ద షాపింగ్ మాల్స్, మల్టీఫ్లెక్స్‌లు, బిల్డింగ్స్ మొదలైన నిర్మాణాలలో నాగార్జున బిజీ బిజీగా ఉన్నారని తెలిసింది.

More from Filmibeat