వాసు వర్మ పై మండిపడుతున్న నాగ్ ఫ్యాన్స్

తమ అభిమాన హీరో నాగార్జున తనయుడు నాగ చైతన్య కథానాయకుడిగా పరిచయమవుతున్నాడంటే నాగార్జున అభిమానులు సంబరపడిపోయారు. ఆ సినిమా కోసం వేయికళ్లతో ఎదురుచూసారు. దీనికి తోడు ఈ చిత్రాన్ని అపజయమెరుగని రాజు 'దిల్' రాజు నిర్మిస్తుండటంతో ఈ చిత్రం పై భారీ అంచనాలు పెట్టుకున్నారు. అంతే కాకుండా మంచి 'జోష్' వున్న టైటిల్ పెట్టడంతో నాగార్జున కెరీర్ లో 'శివ' లాగా చైతన్య కెరీర్ లో ఈ సినిమా మిగిలిపోతుందని ఆశించారు.

తాము ఎన్నో రోజులుగా ఎదురు చూస్తున్న రోజు రానే వచ్చింది. ఎన్నో అంచనాల మధ్య ఈ సినిమా విడుదలయింది. కానీ ఈ సినిమా సామాన్య ప్రేక్షకుడినే కాక నాగ్ అభిమానులని కూడా నిరాశపరిచిందని చెప్పవచ్చు. ఈ నేపథ్యంలో ఎంతో నమ్ముకొని సినిమాని తన చేతిలో పెడితే ఆ నమ్మకాన్ని వమ్ము చేసాడని నాగ్ అభిమానులు వాసు వర్మ పై మండి పడుతున్నారట. ఈ పరిణామాల పై వాసు కూడా అసంతృప్తితో వున్నాడట. తిరిగి మరో అవకాశం వస్తే నేనేంటో చూపిస్తానని అంటున్నాడట. కానీ అవకాశాలు ఎప్పుడూ రావని, వచ్చినప్పుడే సద్వినియోగం చేసుకోవాలని వాసుకు ఉచిత సలహాలు ఇస్తున్నారట విన్న వారు. పూర్ వాసు వర్మ....