నాగార్జున నిర్ణయం వెనుక ఆంతర్యమేంటో! చిరంజీవి, ప్రభాస్‌తో పెట్టుకోవడం ఎందుకనే ఇలా చేస్తున్నారా..?

విడుదల విషయంలో మెలిక

ఈ చిత్ర లొకేషన్స్‌లో రకుల్, నాగార్జున కలిసి దిగిన పిక్స్ చూసి మురిసిపోయారు అక్కినేని అభిమానులు. అంతా సవ్యంగా సాగుతోందనుకున్న తరుణంలో ఈ సినిమా విడుదల విషయమై ఓ మెలిక పడింది. మొదట మన్మథుడు 2 చిత్రాన్ని ఆగస్టు నెలలో ప్రేక్షకుల ముందుంచాలని ఫిక్స్ అయ్యారు నాగార్జున. అయితే అదే నెలలో మెగాస్టార్ చిరంజీవి ప్రెస్టీజియస్ మూవీ 'సైరా నరసింహా రెడ్డి' విడుదల కానుండటంతో.. తన సినిమాను దసరాకు విడుదల చేయాలని ప్లాన్ చేశారట.

దసరా రేస్‌లో ఉండటం మంచిది కాదని

కానీ దసరాకు ప్రభాస్ బిగ్గెస్ట్ మూవీ 'సాహో' వస్తుండటం, బన్నీ- త్రివిక్రమ్ కాంబోలో రాబోతున్న కొత్త సినిమా కూడా అదే సీజన్ లో విడుదల కానుండటంతో దసరా రేస్‌లో ఉండటం మంచిది కాదని నాగ్ భావిస్తున్నారట. ఈ మేరకు తన చిత్రాన్ని అనుకున్న దానికంటే ముందుగానే అంటే జులై నెలలోనే విడుదల చేయాలని నాగ్ నిర్ణయించుకున్నారట.

అభిమానుల్లో కొత్త టెన్షన్

అయితే తమ అభిమాన హీరో సినిమా రిలీజ్ డేట్ ముందుకు జరపడం స్వాగతిస్తున్న అక్కినేని అభిమానులకు ఓ కొత్త టెన్షన్ పట్టుకుందట. ఇంకా రెండు నెలలే సమయం ఉంది కాబట్టి ఈ లోగా సినిమా షూటింగ్ అంతా పూర్తవుతుందా? ఒకవేళ అయినా కూడా ఆదరాబాదరాగా చేయడం కారణంగా ఫైనల్ అవుట్ ఫుట్‌లో ఏమైనా తేడా కొడుతుందేమోనని అనుమానాలు మొదలయ్యాయట.

రాహుల్ రవీంద్రన్ చేతుల్లోనే...

తన మొదటి సినిమా 'చిలసౌ'ని కేవలం నెల రోజుల్లోనే పూర్తిచేసిన ఘనత డైరెక్టర్ రాహుల్ రవీంద్రన్‌కి ఉంది. నాగ్ నిర్ణయం మేరకు మరి ఈ సినిమాకు అలాగే కానిస్తాడా? లేదా? అనేది చూడాలి మరి.