నాగచైతన్య నాన్న స్ట్రిక్ట్ రూల్స్

By Staff

Published: Thursday, May 14, 2009, 11:33 [IST]

నాగచైతన్య ఇప్పుడు కెరీర్ ప్రారంభంలో ఉండటంతో అతనికి కొన్ని స్ట్రిక్ట్ రూల్స్ అతని ఫాధర్ నాగార్జున అమలు చేస్తున్నాడని సమాచారం. ప్రస్తుతం షూటింగ్ జరుపుకుంటున్న జోష్ చిత్రం హడావిడిలోనూ వాటిని అమలు చేయాలని ఆర్డర్ జారీ చేసాడని తెలుస్తోంది. ప్రతీరోజు ఉదయం తప్పనిసరిగా జిమ్ కి అటెండవటం, లేట్ నైట్ కట్ చేయటం జరిగింది. అంతేగాక కరెక్టుగా రాత్రి త్వరగా పడుకోవాలని..పబ్ లకు, పార్టీలకు చెక్ చెప్పాడుట. ఈ విషయమై నాగచైతన్య స్నేహితులతో కూడా మాట్లాడి వారి సహకారం తీసుకున్నారుట. అలా అటువైపు నుంచి నరుక్కు రావటంతో చైతన్య ఏమీ అనలేక చూస్తున్నాడని అంటున్నారు.

ఇన్నాళ్లు గడిపిన స్వేఛ్చా జీవితం మిస్సవుతోందని స్నేహితుల వద్ద వాపోతే..కెరీర్ కోసం ఆ మాత్రం చిన్నచిన్న త్యాగాలు చేయాలని చెప్పారుట. ఇక డైట్ విషయంలో అయితే కొద్దిగా కూడా మినహాయింపు ఇవ్వద్దని జోష్ నిర్మాత దిల్ రాజుకు పురమాయించాడని అంటున్నారు. ఏది అడిగినా సినిమా రిలీజయ్యాక చూద్దాం అని నాగార్జున చెప్తున్నారు. తన కొడుకుని బుజ్జగిస్తూ చెప్తున్నారు. అంతేగాక తన తండ్రి అక్కినేని క్రమశిక్షణ ముందు తను చేసేది చాలా తక్కువని చెప్తున్నారని సమాచారం. అలా స్ట్రిక్ట్ గా అక్కినేని చూసారు కాబట్టే..నాగార్జున అంత స్టార్ గా ఎదగారనేది సత్యం.

More from Filmibeat