మహేష్ బాబుకు బాలయ్య ఫోన్.. వదిలేలా లేడుగా!

మహేష్ బాబుకు ఫోన్

తాజాగా చిత్ర వర్గాల నుంచి అందుతున్న సమాచారం ప్రకారం మహేష్ బాబుకు బాలయ్య ఫోన్ చేశారట. ఎన్టీఆర్ బయోపిక్ చిత్రంలో కృష్ణ పాత్రలో నటించాలాలని కోరినట్లు తెలుస్తోంది. దీనితో త్వరలోనే తన నిర్ణయాన్ని ప్రకటిస్తానని బాలయ్యకు మహేష్ చెప్పినట్లు వార్తలు వస్తున్నాయి. ఈ వార్తల్లో ఎంతవరకు వాస్తవం ఉందో తేలాల్సి ఉంది.

చిన్న అవకాశం కూడా

ఎన్టీఆర్ బయోపిక్ చిత్రం జనరంజకంగా ఉండేందుకు బాలయ్య చిన్న అవకాశాన్ని కూడా విడిచిపెట్టడం లేదు. ఎన్టీఆర్ జీవితంలో ముడిపడి ఉన్న పాత్రలన్నింటికీ ఈ చిత్రంలో చూపించబోతున్నారు. ప్రముఖ నటీనటులంతా ఈ చిత్రంలో కీలక పాత్రల్లో నటిస్తున్న సంగతి తెలిసిందే.

కృష్ణ, ఎన్టీఆర్ మధ్య

కృష్ణ, ఎన్టీఆర్ స్నేహితులే అయినప్పటికీ వీరి మధ్య కొన్ని విభేదాలు ఉన్నట్లు చాలా మంది చెబుతుంటారు. సినిమాల పరంగా కూడా వీరి మధ్య పోటీ కొనసాగింది. అలాంటి పాత్ర ఎన్టీఆర్ బయోపిక్ చిత్రంలో తప్పనిసరిగా ఉండాలనేది బాలయ్య కోరిక.

విడి విడిగా

ఎన్టీఆర్ బయోపిక్ చిత్రాన్ని రెండు భాగాలుగా విడుదల చేయనున్నారు. ఎన్టీఆర్ సినీ జీవితాన్ని, రాజకీయ జీవితాన్ని వేరు చేసి ఎన్టీఆర్ కథానాయకుడు మొదటి భాగంగా. ఎన్టీఆర్ మహా నాయకుడు రెండవ భాగంగా రూపొందిస్తున్నారు. సంక్రాంతి కానుకగా తొలి భాగం ఎన్టీఆర్ కథానాయకుడు విడుదల కానుంది. దర్శకుడు క్రిష్ షూటింగ్ శరవేగంగా జరుపుతున్నారు.