బాలకృష్ణ గ్రేట్ థాట్.. ఎన్టీఆర్, కళ్యాణ్ రామ్‌లతో కలిసి!

ఎన్టీఆర్ బయోపిక్ తర్వాత రాజకీయాలతో

ఎన్టీఆర్ బయోపిక్ తర్వాత ఇన్ని రోజులు రాజకీయాలతో బిజీ అయిన ఆయన ప్రస్తుతం తన 105 వ సినిమాను తమిళ దర్శకుడు కెఎస్ రవికుమార్ దర్శకత్వంలో సినిమా చేస్తున్నాడు. ఈ ఏడాది దసరాకల్లా ఈ సినిమాను విడుదల చేయాలని ప్లాన్ చేశారు. అయితే ఈ సినిమా పూర్తి కాగానే బాలయ్య చేయబోయే తదుపరి సినిమాపై ఆసక్తికర కథనాలు వినిపిస్తున్నాయి.

బాలయ్య 106

కెఎస్ రవికుమార్ సినిమా తర్వాత తెరకెక్కనున్న బాలయ్య 106 విషయమై మొన్నటి దాకా బాలయ్య లిస్టులో డైరెక్టర్ బోయపాటి పేరు వినిపించగా, రీసెంట్ గా అ! ఫేం ప్రశాంత్ వర్మ పేరు వినిపించింది. ఇదిలా ఉండగానే తాజాగా మరింత ఆసక్తికర విషయం ఒకటి బయటకు వచ్చింది. ఎన్టీఆర్, కళ్యాణ్ రామ్‌లతో కలిసి బాలయ్య తెర షేర్ చేసుకోవాలని అనుకుంటున్నారట.

అక్కినేని ఫ్యామిలీ లాగే

అక్కినేని ఫ్యామిలీ ఎలాగైతే అంతా కలిసి 'మనం' సినిమా చేశారో అలాగే తాము కూడా ఓ సినిమా చేస్తే బాగుంటుందని బాలయ్య భావిస్తున్నారట. ఈ మేరకు కొడుకులు ఎన్టీఆర్, కళ్యాణ్ రామ్‌లతో కలిసి నందమూరి అభిమానులను ఎంటర్‌టైన్ చేయాలనేది బాలయ్య ఆలోచన అని తెలుస్తోంది.

ఎంతవరకు సాధ్యం?

ఎన్టీఆర్, కళ్యాణ్ రామ్‌, బాలకృష్ణ ఓకే సినిమాలో నటించడం అనేది నందమూరి అభిమానుల్లో ఉత్సాహాన్ని నింపే వార్తే. కాకపోతే ముగ్గురు స్టార్ హీరోలకు సరిపడే కథ దొరకాలి అంటే అంత సులువైన పని కాదు. ఒకవేళ దొరికినా దాన్ని చిత్రంగా మలచడంలో ఎంతో కష్టపడాల్సి ఉంటుంది. చూడాలి మరి బాలయ్య కోరికను ఏ దర్శకుడు తీరుస్తాడా? అనేది.