తిరిగి.. తిరిగి.. నాని వద్దకు.. కొత్త సినిమా అతడితోనే!

నేచురల్ స్టార్ నాని ప్రస్తుతం మల్టీస్టారర్ చిత్రంలో నటిస్తున్నాడు. శ్రీరామ్ ఆదిత్య దర్శకత్వంలో తెరకెక్కుతున్న ఈ చిత్రంలో కింగ్ నాగార్జున మరో హీరోగా నటిస్తున్నాడు. తాజాగా నాని నటించే కొత్త చిత్రం ఖరారైనట్లు తెలుస్తోంది. విభిన్న చిత్రాలతో ఆకట్టుకునే చంద్రశేఖర్ ఏలేటి దర్శత్వంలో నటించేందుకు నాని సై అన్నట్లు తెలుస్తోంది.

మొదటగా సాయిధరమ్ తేజ్, ఆ తరువాత నితిన్ తో ఈ చిత్రాన్ని చంద్రశేఖర్ తెరకెక్కించాలని భావించారు. ఆ హీరోలిద్దరూ సిద్ధంగా లేకపోవడంతో ఈ దర్శకుడు నానికి కథ వినిపించాడట. స్టోరీ లైన్ నచ్చడంతో నాని అంగీకరించినట్లు తెలుస్తోంది. మొత్తానికి ఈ కథ అటు ఇటు తిరిగి నాని వద్దకు చేరింది.

నాగార్జునతో నటించే మల్టీస్టారర్ చిత్రం పూర్తయ్యాక నాని జెర్సీ చిత్రంలో నటించాల్సి ఉంది. సమయంలో చంద్రశేఖర్ ఏలేటి చిత్రం కూడా ప్రారంభం అయ్యే అవకాశం ఉంది.