ఆ ఫోటోలు ఏంటి?....మెగాస్టార్ మనవరాలిపై అనుమానాలు!

By Bojja Kumar

Updated: Monday, March 21, 2016, 14:58 [IST]

హైదరాబాద్: బాలీవుడ్ మెగాస్టార్ అమితాబ్ బచ్చన్ మనవరాలు 'నవ్య నవేలి నంద' ఇంకా సినిమాల్లోకి ఎంట్రీ ఇవ్వనప్పటికీ బాలీవుడ్లో హాట్ టాపిక్ అయింది. ఆమెకు సంబంధించిన హాట్ ఫోటోస్ సోషల్ మీడియాలో వైరల్ లా వ్యాపించాయి. సదరు ఫోటోలను ఆమె స్వయంగా షేర్ చేస్తుండటం గమనార్హం.

ఆమె తన సోషల్ మీడియా ద్వారా షేర్ చేస్తున్న ఫోటోల్లో కొన్ని యమ హాటుగా ఉండటం, తన ఫ్రెండ్స్‌తో కలిసి పార్టీలు చేసుకుంటున్న ఫోటోలు ఉండటంతో ఉండటం గమనార్హం. లండన్‌లోని ప్రఖ్యాత సెవెన్ ఓక్స్ స్కూల్లో నవ్య చదువుకుంటోంది. ఇదే స్కూల్‌లో షారుక్ కొడుకు ఆర్యన్ కూడా చదువుకుంటున్నాడు.

తాజాగా నవ్య షేర్ చేసిన ఓ ఫోటో అనుమానాలకు తావిస్తోంది. ఓ యువకుడితో కలిసి ఉన్న ఫోటోలను ఆమె పోస్టు చేసింది. దీంతో ఇద్దరూ ప్రేమలో పడ్డట్లు బాలీవుడ్లో ప్రచారం జరుగుతోంది. ఈ కాలంలో ఇలాంటివి కామనే అయినా....సెలబ్రిటీ కుటుంబానికి చెందిన నవ్య వీటిని ఇలా షేర్ చేయడంతో సోషల్ మీడియాలో హాట్ టాపిక్ అవుతోంది.

పార్టీలే పార్టీలు...
ఇటీవలే నవ్య 18 సంవత్సరాలు పూర్తి చేసుకుంది. ఈ సందర్భంగా తనతో పాటు చదువుకుంటున్న గర్ల్ గ్యాంగ్, మరికొందరు స్టార్ కిడ్స్ తో కలిసి పార్టీ చేసుకుంది. ఈ బర్త్ డే పార్టీకి సంబంధించిన ఫోటోలతో పాటు, తన స్నేహితులతో కలిసి వివిధ సందర్బాల్లో దిగిన ఫోటోలను ఆమె తన ఇన్ స్టాగ్రామ్ ద్వారా షేర్ చేస్తోంది. ఈ ఫోటోల్లో షారుక్ తనయుడు ఆర్యన్ కూడా ఉండటం గమనార్హం. సోషల్ మీడియా ద్వారా ఆమె షేర్ చేస్తున్న ఫోటోస్, తనకంటూ ప్రత్యేక గుర్తింపు తెచ్చుకోవడం పడుతున్న ఆరాటం చూస్తుంటే.... భవిష్యత్తులో బాలీవుడ్లో హీరోయిన్‌‌గా ఎదగాలనే కోరికతో ఉన్నట్లు స్పష్టమవుతోంది.