Don't Miss!
- Finance Amitabh Kant: 2047 నాటికి 35 ట్రిలియన్ డాలర్ల ఆర్థిక వ్యవస్థగా భారత్..
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Automobiles ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- News ఎన్నికల వేళ ధర్మవరం లో నువ్వా -నేనా, సై..!!
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
నయనతార అవుట్, కాజల్ ఇన్.. చిరంజీవి సినిమాపై ఇంట్రెస్టింగ్ అప్డేట్
ఖైదీ నెంబర్ 150తో సినిమాల్లోకి గ్రాండ్ రీ ఎంట్రీ ఇచ్చిన మెగాస్టార్ చిరంజీవి చేస్తున్న తాజా సినిమా 'సైరా నరసింహ రెడ్డి'. ఆయన కెరీర్లో ఎంతో ప్రతిష్టాత్మకంగా తెరకెక్కుతున్న ఈ సినిమా షూటింగ్ ఇటీవలే కంప్లీట్ అయింది. దీని తర్వాత మెగాస్టార్ తదుపరి చిత్రం కొరటాల శివ దర్శకత్వంలో రూపొందనుంది. 'భరత్ అనే నేను' సినిమా తర్వాత చిరంజీవి కోసం చాలాకాలంగా ఎదురు చూస్తున్నారు కొరటాల. సైరా షూటింగ్లో ఆలస్యం కారణంగా చిరంజీవి ఆయన సెట్స్ పైకి రావడం కాస్త ఆలస్యమవుతూ వచ్చింది. ఎట్టకేలకు సైరా షూటింగ్ ఫినిష్ కావడంతో ఇక మెగా 152 సినిమా అప్డేట్స్పై పడ్డాయి అందరి కళ్లు. ఈ నేపథ్యంలో తాజాగా వినిపిస్తున్న అప్డేట్ ప్రేక్షకుల్లో ఆసక్తి రేకెత్తిస్తోంది.
మెగా మూవీ.. హీరోయిన్స్ విషయంలో స్పెషల్ కేర్
మెగాస్టార్ చిరంజీవి- కొరటాల శివ కాంబోలో రాబోతున్న తొలి సినిమా ఇదే కావడంతో ఈ సినిమాకు సంబంధించిన అన్ని వ్యవహారాల్లో ప్రత్యేక శ్రద్ద తీసుకుంటున్నారు కొరటాల. మెగాస్టార్ ఇమేజ్ దృష్టిలో ఎత్తుకొని పర్ఫెక్ట్ స్క్రిప్ట్ రెడీ చేసిన ఆయన.. హీరోయిన్లను సెలెక్ట్ చేసే విషయంలో స్పెషల్ కేర్ తీసుకుంటున్నారు.
నయన్ అవుట్.. కాజల్ ఇన్
ముందుగా ఈ సినిమాలో చిరు సరసన అనుష్క లేదా నయనతార నటించనున్నారని వార్తలు వచ్చాయి. కానీ తాజాగా బయటకొచ్చిన సమాచారం మేరకు చిరు సరసన వీళ్ళిద్దరిలో ఎవ్వరూ నటించడం లేదని తెలుస్తోంది. కొత్తగా కాజల్ పేరు బయటకొచ్చింది. చిరు సరసన కాజల్ అయితేనే పర్ఫెక్ట్ సూట్ అని భావిస్తున్నారట దర్శక నిర్మాతలు. గతంలో చిరు కమ్ బ్యాక్ మూవీ ఖైదీ నెం 150లో చిరుతో జోడీ కట్టి భేష్ అనిపించుకున్న కాజల్నే మరోసారి హీరోయిన్గా ఎంపిక చేసుకున్నారని విశ్వసనీయ వర్గాల సమాచారం.
భారీ రెమ్యునరేషన్ ఆఫర్
50 సినిమాలు పూర్తిచేసి మంచి జోష్లో ఉన్న కాజల్ కోసం భారీ రెమ్యునరేషన్ ఆఫర్ చేసిందట కొరటాల టీమ్. కాజల్ వద్దకు హీరోయిన్ ప్రస్తావన తీసుకెళ్లగా ఆమె వెంటనే ఓకే చేసేసింది తెలుస్తోంది. ఇక ఇదే నిజమైతే మరోసారి కాజల్- చిరంజీవి సిల్వర్ స్క్రీన్ రొమాన్స్ ప్రేక్షకలోకానికి సూపర్ ట్రీట్ ఇవ్వనున్నట్లే మరి.
చిరంజీవి విలక్షణ పాత్ర
చిరంజీవి కోసం ఓ విలక్షణ పాత్రను డిజైన్ చేశారట కొరటాల శివ. చిత్రంలో రెండు డిఫరెంట్ షేడ్స్లో కనిపించేలా చిరు పాత్ర ఉండనుందట. ఈ మేరకు చిరంజీవిని కాస్త బరువు తగ్గాలని కూడా కొరటాల కోరాడని తెలిసింది. ఈ మేరకు చిరు ఫిట్నెస్పై సలహాలు, సూచనల కోసం రామ్ చరణ్, బాలీవుడ్ హీరో సల్మాన్ ఖాన్ని సంప్రదించగా.. ఆయన ఓ ప్రత్యేకమైన ఫిట్నెస్ ట్రైనర్ని పంపించాడని తెలిసింది.
త్వరలోనే షూటింగ్ స్టార్ట్
'సైరా' షూటింగ్ ఫినిష్ అయింది కాబట్టి త్వరలోనే షూటింగ్ స్టార్ట్ ఆలోచనలో ఉన్నారట చిరు- కొరటాల. త్వర త్వరగా షూటింగ్ ఫినిష్ చేసి ఈ సినిమాను 2020 ద్వితీయార్థంలో విడుదల చేయాలని సన్నాహాలు చేస్తున్నారట. మొత్తానికైతే షూటింగ్ మొదలుకాక ముందు నుంచే చిరు- కొరటాల సినిమాపై భారీ హైప్ నెలకొంది. మరోవైపు చిరు ప్రెసెంట్ మూవీ 'సైరా నరసింహా రెడ్డి' అక్టోబర్ 2 న విడుదలకు సిద్ధమైంది.