నందమూరి ఫ్యామిలీ నుంచి మరో

ఇప్పటికే నందమూరి కళ్యాణ్ రామ్ తన ఎన్.ఎన్.టి ఆర్ట్స్ బ్యానర్ పై వరసగా సినిమాలు తీస్తున్నారు. ఇప్పుడాయన సోదరుడు నందమూరి జానకిరామ్ కూడా మరో బ్యానర్ పెట్టి వరసగా సినిమాలు తీయటానికి ప్లాన్ చేస్తున్నట్లు సమాచారం. ఇన్నాళ్ళు తన సోదరుడు కళ్యాణ్ రామ్ ప్రోడక్షన్ వ్యవహారాలు చూసుకున్న జానికిరామ్ హఠాత్తుగా ఈ నిర్ణయం తీసుకోవటం వెనుక ఇండిడ్యువాలిగా ఎదగాలన్న కోరిక తప్ప మరేమీ లేదని తెలుస్తోంది.

ఇక కళ్యాణ్ రామ్ లా కాకుండా బయిట హీరోలతో కూడా సినిమాలు చేయాలని జానికిరామ్ యోచిస్తున్నారని సమాచారం. ఇప్పటికే ఓ రెండు స్క్రిప్టులు వరకూ డవలప్ చేయించాడని వినిపిస్తోంది. హీరోల డేట్స్ కన్నా పూర్తి స్క్రిప్ట్ తో ముందుకెళ్ళాలని నిర్ణయించుకున్నాడని ఇది మంచి నిర్ణయమంటున్నారు. అన్నీ కలసి వస్తే జూనియర్ ఎన్టీఆర్ తో కూడా సినిమా చేసే ఆలోచన ఉందని అదే మొదటిది కావచ్చునని చెప్పుకుంటున్నారు. ఇంకా ఏ విషయాలు అధికారికంగా వెలవడలేదు. ప్రస్తుతం కళ్యాణ్ రామ్ తన స్నేహితుడు నూతన దర్శకుడు అయిన నరేన్ తో ఓ సినిమా చేస్తున్నాడు. పూర్తి స్ధాయి ఎంటర్టైన్ మెంట్ తో సాగే ఈ చిత్రంలో హన్సిక హీరోయిన్ గా చేస్తోంది.