Don't Miss!
- Sports RR vs DC: అందుకే పృథ్వీ షాను తీసుకోలేదు: రిషభ్ పంత్
- News హీరోయిన్ నిధి అగర్వాల్ చేతుల మీదగా గ్రాండ్గా రీలాంచ్ అయిన CMR షాపింగ్ మాల్
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కార్తికేయ సీక్వల్కి సర్వం సిద్ధం.. బయటకొచ్చిన కీలక సమాచారం
జయాపజయాలతో సంబంధం లేకుండా యంగ్ హీరో నిఖిల్ వరుస సినిమాలు చేస్తున్నారు. విభిన్న కథాంశాలను ఎంచుకుంటూ ముందుకు సాగుతున్నాడు. ఒక స్టేజ్లో వరుసగా సూపర్ హిట్స్ కొట్టిన ఈ యువ హీరో ప్రస్తుతం డీలా పడ్డాడు. ఆయన గత సినిమా కిర్రాక్ పార్టీ ఆశించిన ఫలితం రాబట్టకపోవడం, తాజా సినిమా 'అర్జున్ సురవరం' విడుదలకు నోచుకోకపోవడం ఊహించని షాక్ ఇచ్చాయి.
సరిగ్గా ఈ తరుణంలో నిఖిల్ అభిమానులకు ఉరటనిచ్చేలా ఓ న్యూస్ బయటకొచ్చింది. గతంలో నిఖిల్ హీరోగా వచ్చిన 'కార్తికేయ' సినిమా సక్సెస్ సాధించిన సంగతి తెలిసిందే. చందూ మొండేటి దర్శకత్వంలో తెరకెక్కిన ఈ సినిమా నిఖిల్ స్టామినాను తెలియజేసింది. సుబ్రహ్మణ్య స్వామి దేవాలయం నేపథ్యంలో సాగిన థ్రిల్లింగ్ కథాంశం ప్రేక్షకులను బాగా ఆకట్టుకుంది. దీంతో ఇప్పుడు ఈ సినిమాకు సీక్వల్ ప్లాన్ చేస్తున్నాడు డైరెక్టర్ చందూ.
పీపుల్ మీడియా ఫ్యాక్టరీ బ్యానర్ పై ఈ సినిమా రూపొందించాలని ఫిక్స్ అయ్యారట. కార్తికేయ 2 అనే టైటిల్ పెట్టాలని భావిస్తున్నారట. ఇందుకు సంబందించిన ప్రీ ప్రొడక్షన్ పనులు చివరిదశకు చేరుకున్నాయని తెలుస్తోంది. స్క్రిప్ట్ వర్క్ ఫైనల్ అయిందని, అక్టోబర్ రెండో వారం నుంచి ఈ సినిమా రెగ్యులర్ షూటింగ్ ప్రారంభం కానుందని విశ్వసనీయ వర్గాల సమాచారం. ఇక ఈ చిత్రంలో హీరోయిన్గా 'ఏజెంట్ సాయి శ్రీనివాస ఆత్రేయ'లో కనిపించిన శృతి శర్మను ఫైనల్ చేయబోతున్నారని తెలుస్తోంది. కార్తికేయ 2 రూపంలో నిఖిల్ కెరీర్లో మరో హిట్ ఖాయమే అని టాక్ నడుస్తోంది.