Don't Miss!
- Finance Essential Medicines: ఏప్రిల్ 1 నుంచి పెరగనున్న అవసరమైన ఔషధాల ధరలు..
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రకుల్ ప్రీత్ సింగ్తో నితిన్ చదరంగం! ప్రియా ప్రకాష్ తోడుగా.. మొత్తానికి సెట్ చేశారు
గత కొంతకాలంగా సరైన హిట్ లేక సతమతమవుతున్నాడు యంగ్ హీరో నితిన్. అయినప్పటికీ ఏ మాత్రం వెనక్కి తగ్గకుండా తన సినిమాల వేగాన్ని మరింత పెంచేస్తూ వస్తున్నాడు. ఈ నేపథ్యంలోనే ఈ ఏడాది ఒకేసారి మూడు సినిమాలకు గ్రీన్ సిగ్నల్ ఇచ్చేసి తిరిగి సక్సెస్ ట్రాక్ ఎక్కేందుకు సిద్దమవుతున్నాడు.
ప్రస్తుతం వెంకీ కుడుముల దర్శకత్వంలో తెరకెక్కుతున్న భీష్మ సినిమాలో నటిస్తున్నాడు నితిన్. శరవేగంగా షూటింగ్ జరుపుకుంటున్న ఈ సినిమాలో నితిన్ సరసన రష్మిక మందన్న హీరోయిన్ గా నటిస్తోంది. దీంతో పాటుగానే వెంకీ అట్లూరితో మరో సినిమా చేసేందుకు రెడీ అయ్యాడు నితిన్. ఈ సినిమాకు రంగ్ దే అనే టైటిల్ కన్ఫర్మ్ చేసేశారు. అతి త్వరలో ఈ షూటింగ్ సినిమా ప్రారంభం కానుంది.
ఇక ఇవిగాక చంద్రశేఖర్ యేలేటి దర్శకత్వంలో ఓ సినిమా చేసేందుకు ఓకే చెప్పాడు నితిన్. భవ్య క్రియేషన్స్ బ్యానర్పై తెరకెక్కనున్న ఈ సినిమాలో నితిన్ సరసన రకుల్ ప్రీత్ సింగ్, ప్రియా ప్రకాష్ వారియర్ హీరోయిన్స్గా నటించనున్నారు. యూత్కి నచ్చే అన్ని అంశాలతో ట్రై యాంగిల్ లవ్ స్టోరీగా ఈ సినిమా రూపొందనుందని సమాచారం.
ఇదిలా ఉంటే తాజాగా ఈ సినిమా టైటిల్ విషయమై ఓ న్యూస్ బయటకు వచ్చింది. కథకు యాప్ట్ అయ్యేలా ఉండేలా ఈ సినిమాకు చదరంగం అనే టైటిల్ పరిశీలనలో పెట్టినట్లు ఆ వార్త సారాంశం. చిత్రంలో నితిన్ చెస్ ప్లేయర్గా కనపడతాడట. వి. ఆనందప్రసాద్ నిర్మాణంలో రూపొందనున్న ఈ సినిమాకు కీరవాణి బాణీలు కట్టనున్నారు. నితిన్ కెరీర్కి ఈ సినిమా బాగా ప్లస్ అవుతుందని, నేటితరం యువత కోరుకునే అన్ని అంశాలు మేళవించి ఈ సినిమా రూపొందించనున్నారని టాక్.