తొలిసారిగా హీరోయిన్ లేకుండా నాగార్జున

రొమాంటిక్ హీరోగా, మన్మధుడుగా తెలుగు తెరను ఏలుతున్న నాగార్జునకి తాజా చిత్రంలో హీరోయిన్ లేదు. గగనం టైటిల్ తో రాధా మోహన్ (ఆకాశమంతా ఫేమ్) దర్శకత్వంలో రూపొందుతున్న చిత్రంలో కథకు అడ్డమని ఈ నిర్ణయం తీసుకున్నట్లు తెలుస్తోంది. దిల్ రాజు నిర్మిస్తున్న ఈ చిత్రంలో టెర్రరిస్టుగా మరో కీలకమైన పాత్రలో ప్రకాష్ రాజ్ కనిపిస్తారు. ప్రస్తుతం షూటింగ్ పూర్తి చేసుకున్న ఈ చిత్రం ఆగస్టు నెలాఖరున రిలీజ్ కానుంది. తెలుగు, తమిళ బాషల్లో నిర్మితమవుతున్న ఈ చిత్రంలో నాగార్జున పోలీస్ ఆఫీసర్ గా కనిపిస్తారు. ఇక ఈ చిత్రం షూటింగ్ మొదటి షెడ్యూల్ కులూ మనాలీలో, రెండో షెడ్యూల్ రామానాయుడు స్టూడియోస్ లో, మూడో షెడ్యూల్ రామోజీ ఫిల్మ్ సిటీలో వేసిన ప్రత్యేక ఎయిర్ పోర్ట్ సెట్ లో జరుగింది.

ఇక ఈ చిత్రం ఓ ధ్రిల్లర్ అనీ ఎడ్జ్ ఆఫ్ ది సీట్ లో కూర్చోబెట్టేలా రూపొందిస్తున్నామని చెప్తున్నారు. చెన్నై నుంచి తిరుపతి వెళ్తున్న ఓ ప్లైట్ హైజాక్ అవటం అనే పాయింట్ చుట్టూ కథ తిరుగుతుంది. కొంతమంది టెర్రరిస్టులు హైజాక్ చేసి ప్రయాణీకులను పట్టుకుని జైలులో ఉన్న తమ నాయకుడిని విడుదల చేయమని కోరుతారు. అప్పుడు రంగంలోకి దిగిన ఓ పోలీస్ ఆఫీసర్ ఆ సమస్యను ఎలా పరిష్కరిచాడు అన్నదే కథనం. నాగార్జున ఇది ఒక వెరైటీ చిత్రంగా భావించి చేస్తున్నారు. ఆయన ఎంతో ఎక్సపెక్ట్ చేస్తూ చేసిన కేడీ చిత్రం ఫెయిల్యూర్ కావటంతో దీనిపైనే పూర్తి దృష్టి పెట్టారు.