అల్లు అర్జున్ సినిమా నుండి ఇలియానా అవుట్...!

ప్రస్తుతం విదేశాల్లో వున్న అల్లు అర్జున్ హైదరాబాద్‌ కు తిరిగిరాగానే త్రివిక్రమ్ శ్రీనివాస్ దర్శకత్వంలో రూపొందనున్న చిత్రంలో నటించనున్నాడు. 'బద్రినాథ్" చిత్రం తర్వాత ఆయన నటించనున్న సినిమా ఇది. యూనివర్సల్ సినిమా పతాకంపై డీవీవీ దానయ్య నిర్మించనున్న ఈ చిత్రంలో కథానాయికగా గోవా బ్యూటీ ఇలియానా నాయికగా నటిస్తుందని వార్తలు వచ్చాయి. అంతేకాదు తెలుగులో సినిమాలు లేని ఇలియానా ఈ సినిమా కోసం తన పారితోషికాన్ని భారీగా తగ్గించుకుందని కూడా సినీ వర్గాలు అన్నాయి. అయితే అవన్నీ ఇప్పుడు వట్టి పుకార్లేనని ఇలియానా అల్లు అర్జున్ సినిమాలో నటించలేదని అంటున్నారు.

తాజా సమాచారం ప్రకారం ఇలియానా ప్లేస్ లో అల్లు అర్జున్‌తో సమంత జతకట్టనుందని తాజా సమాచారమ్. పవన్‌ కళ్యాణ్‌ తో 'జల్సా" చిత్రంలో నటించిన ఇలియానాను ఈ చిత్రంలో నటింపజేయాలని దర్శకుడు త్రివిక్రమ్ శ్రీనివాస్ ప్రయత్నించాడట. ఇలియానా అంటే మొదటి నుండి ఇష్టంలేని అల్లు అర్జున్ ఆమెను తప్పించడానికే ట్రై చేశాడు. అయితే కొన్ని కారణాల వల్ల ఇలియానా స్థానంలో సమంత అయితే బెటర్‌ గా వుంటుందని యూనిట్ సభ్యులందరూ భావించడంతో సమంతనే హీరోయిన్ గా ఎంచుకున్నారు. ప్రస్తుతం సమంత మహేష్‌ తో 'దూకుడు" చిత్రంతో పాటు రామ్, గౌతమ్‌ మీనన్ దర్శకత్వంలో రూపొందనున్న చిత్రంలో కూడా హీరోయిన్ గా నటిస్తోన్న సంగతి తెలిసిందే...