ఎన్టీఆర్...నరసింహాచారి

By Staff

Published: Friday, February 20, 2009, 18:42 [IST]

వి.వి.వినాయిక్ దర్శకత్వంలో ఎన్టీఆర్ హీరోగా రూపొందుతున్న చిత్రంలో ఎన్టీఆర్ పాత్ర పేరు నరసింహాచారి అని తెలుస్తోంది. ఈ చిత్రంలో ఎన్టీఆర్ ద్విపాత్రల్లో కనపడతాడని చెపుతున్నారు. అందులో ఒక పాత్ర నరసింహాచారి కాగా మరో పాత్ర నరసింహ అని వినికిడి. అలాగే ఈ చిత్రానికి అదుర్స్ అనే టైటిల్ ప్రచారంలోకి వచ్చింది. అయితే ఆ టైటిల్ కాకుండా భీష్మ అనే టైటిల్ పెడితే ఎలా ఉంటుందని ఆలోచిస్తున్నారని సమాచారం. ఇక ఎన్టీఆర్ మాత్రం అదుర్స్ అనే టైటిల్ వైపే మ్రొగ్గుచూపుతున్నాడని,వినాయిక్ మాత్రం అదుర్స్,సూపర్ వంటి టైటిల్స్ సినిమాను ఎంతవరకూ ప్రమోట్ చేస్తాయని అంటున్నారుట.

అలాగే గతంలో వినాయిక్ ఎన్టీఆర్ కాంబినేషన్ లో వచ్చిన ఆది,సాంబ లాగ భీష్మ అయితే రెండు అక్షరాలుతో పవర్ ఫుల్ గా ఉంటుందని, అంతేగాక ఎన్టీఆర్ తాతగారి సినిమా టైటిల్ కూడా పెట్టినట్టు ఉంటుందని ఒప్పించే ప్రయత్నం చేస్తున్నారని సమాచారం. ఇక ఈ సినిమా పూర్తి స్ధాయి ఎంటర్టైన్ మెంట్ తో రూపొందుతోందని చెప్తున్నారు. నా అల్లుడు సినిమా తర్వాత డ్యూయల్ కాన్సెప్ట్ (ఆ సినిమాలో ఒక్కడే కనపడతాడు అయినా సినిమా అంతా ఇద్దరు ఉన్నారన్న భ్రమ కలిగిస్తారు)తో రెడి అవుతున్న చిత్రం ఇదే.దాంతో ఎన్టీఆర్ అభిమానులే కాక మిగతా వారు కూడా ఈ సినిమాను ఆసక్తితో చర్చించుకుంటున్నారు. వారి అంచనాలుకు తగ్గకుండా సినిమా తయారుఅవుతుందని ఆశిద్దాం.

More from Filmibeat