హోమ్

గాసిప్స్

ఎన్టీఆర్, కాజల్, సమంత కాంబినేషన్ లో దిల్ రాజు నిర్మిస్తోన్న బృందావనం చిత్రం ఇప్పుడు ఎడిటింగ్ టేబుల్ దగ్గర సమస్య ఎదుర్కొంటోందని ఫిల్మ్ సర్కిల్స్ లో వినపడుతోంది. అనుకున్న దానికంటే దర్శకుడు మూడు రెట్లు ఎక్కవ తీసాడని, ఎక్కువ ఎక్సపోజర్ జరిగిందని,దాంతో ఏ సన్నివేశాలు ఉంచాలో, ఏ షాట్స్ ని నిర్ధాక్ష్యంణ్యంగా తొలిగించాలో అన్న దానితో తల పట్టుకు కూర్చున్నారని చెప్పుకుంటున్నారు. ఇంతకుముందు త్రివిక్రమ్ చిత్రాలు ఈ తరహా సమస్యని ఎదుర్కొనేవి. లెక్క లేకుండా కంటిన్యూగా నాలుగైదు గంటలకు సరపడ తీసేయటం, తర్వాత ఏది కట్ చేయాలి ఏది ఉంచాలి అన్న మీమాంస రావటం ఎడిటింగ్ లో మామూలైపోయింది. అయితే ఎన్టీఆర్ చిత్రాలకు ఇప్పటివరకూ ఆ సమస్య అదృష్టవశాత్తు ఎదురుకాలేదు. ఎప్పుడూ కొంచెం అటూ ఇటూలో ప్లానింగ్ ప్రకారం నడిచిపోయేది. అయితే ఈ సమస్య ఎదురైతే ఎక్కడెక్కడి లింక్ లూ ఎడిటింగ్ లో చెల్లాచెదరయ్యే సమస్య ఎదురౌతుందని సీనియర్ ఎడిటర్స్ అంటూంటారు. అటువంటి సమస్య రాకుండా బృందావనం బయిటపడాలని కోరుకుందాం. ఇక ఈ చిత్రం అక్టోబర్ 1న రిలీజ్ కాబోతోంది.