Don't Miss!
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్నBird Flu పాలు, గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- News గెలిస్తే వాషింగ్టన్ డీసీ చేస్తా అన్నావ్.. రాజధానే లేకుండా చేశావ్ జగనన్నా.. షర్మిల చురకలు
- Sports సారీ బ్రదర్.. కావాలని కొట్టలేదు - పంత్ ఎమోషనల్ Video
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఎన్టీఆర్, కొరటాల శివ ప్రాజెక్టు ఎప్పటినుంచి అంటే...
హైదరాబాద్: ఎన్టీఆర్,కొరటాల శివ కాంబినేషన్ లో ఓ చిత్రం నలుగుతున్న సంగతి తెలిసిందే. రీసెంట్ గా కొరటాల శివ పూర్తిగా స్క్రిప్టు నేరేట్ చేయటంతో ఈ చిత్రం పూర్తిగా ఖరారైంది. నవంబర్ మొదటి వారంలో చిత్రం ప్రారంభం జరుగుతుందని, అప్పుడే రెగ్యులర్ షూటింగ్ వివరాలు తెలియనున్నాయి. ఇక ఈ చిత్రానికి 'హడల్' అనే టైటిల్ పెట్టనున్నట్లు ఫిల్మ్ నగర్ సమాచారం. ఈ మేరకు ఫిల్మ్ ఛాంబర్ లో రిజిస్ట్రేషన్ కూడా చేసినట్లు చెప్పుతున్నారు. అక్టోబర్లో ఈ చిత్రం ప్రారంభమవుతుంది. డీవీవీ దానయ్య నిర్మిస్తారు.
రచయితగా కొరటాల శివ మంచి పేరు తెచ్చుకుని, 'మిర్చి'తో దర్శకుడిగా మారిన విషయం తెలిసిందే. ఆ సినిమా మంచి హిట్ కావడంతో శివ సీన్ జాతకం మారిపోయింది. స్టార్ హీరోల చిత్రాలకు దర్శకత్వం వహించే అవకాశం వస్తోంది. వాటిలో రామ్చరణ్ పేరు ముందు వినిపించినా, ఇప్పుడా ప్రాజెక్ట్ లేదని వినికిడి. మహేష్బాబు హీరోగా వచ్చే ఏడాది శివ ఓ సినిమాకి దర్శకత్వం వహిస్తారు. ఈ లోగా ఎన్టీఆర్ హీరోగా ఆయన ఈ సినిమా చేయబోతున్నారు. ఇటీవలే ఎన్టీఆర్ని శివ కలిశారని, ఆయన కూడా గ్రీన్ సిగ్నల్ ఇచ్చారనే చెప్తున్నారు.
మిర్చి హిట్ అవగానే కొరటాల శివ దర్శకత్వంలో రామ్ చరణ్ హీరోగా బండ్ల గణేష్ నిర్మించే చిత్రం ప్రకటన వచ్చింది. అనుకోని విధంగా ఆ చిత్రం ఆగిపోయింది. ఆ కథే ఇప్పుడు ఎన్టీఆర్ కు చెప్పి ఒప్పించాడని ఫిల్మ్ సర్కిల్స్ లో వినపడుతోంది. కథ వినగానే వెంటనే ఎన్టీఆర్ ఓకే చేసాడని చెప్తున్నారు. ఈ చిత్రం భారీ బడ్జెట్ తో నిర్మాణం కానుంది.
ఇక ఎన్టీఆర్ వరసగా సినిమాలు ఒప్పుకుంటున్నారు. తన తాజా చిత్రాలు రభస, రామయ్య వస్తావయ్యా సెట్స్ మీద ఉండగానే మరో చిత్రం కమిటయ్యారు. కొరటాల శివ దర్శకత్వంలో రూపొందే చిత్రం ఓకే చేసాడని తెలుస్తోంది. డివివి దానయ్య ఈ చిత్రం నిర్మిస్తారు. మరో ప్రక్క త్రివిక్రమ్,సుకుమార్, వక్కంతం వంశీ చిత్రాలుకు కూడా ఎన్టీఆర్ ఓకే చేసారు. ప్రస్తుతం ఎన్టీఆర్ హీరోగా... రామయ్యా వస్తావయ్యా చిత్రం రూపొందుతోంది.