Click it and Unblock the Notifications
పవన్ తో మళ్లీ కమిటైన ‘పంజా’నిర్మాతలు
మరో ప్రక్క 'పంజా' నిర్మాతల ఆధ్వర్యంలో మూడు చిత్రాలు మొదలు అయ్యాయి. వాటిలో రామ్ గోపాల్ వర్మకు కౌంటర్ గా తీస్తున్న చిత్రం ఒకటి ఉందని తెలుస్తోంది. ఆ చిత్రం పేరు 'ఏ శ్యామ్గోపాల్వర్మ ఫిలిం-నా సినిమా నా ఇష్టం'. ఐటీ రంగానికి చెందిన రాకేష్ శ్రీనివాస్ ఈ సినిమా ద్వారా దర్శకుడిగా పరిచయం కానున్నాడు. ఈ విషయాలను నిర్మాతలు నీలిమా తిరుమలశెట్టి, నగేశ్ ముంతా మంగళవారం ఒక ప్రకటనలో మీడియాకు తెలియచేసారు. వారు తీస్తున్న మూడు చిత్రాలు టైటిల్స్ ..అలియాస్ జానకి, ఏ శ్యామ్ గోపాల్వర్మ ఫిలిం - నా సినిమా నా ఇష్టం, అరెరే... అరెరే... ఈ చిత్రాల పేర్లు. త్వరలో ఈ చిత్రాలు ప్రారంభం కానున్నాయని చెప్తున్నారు.
నిర్మాతలు మీడియాతో...''కేవలం డబ్బు సంపాదనే ధ్యేయంగా కాకుండా, తెలుగు చిత్రపరిశ్రమలో ఎదగాలనుకొని ఉవ్విళ్లూరుతున్న ప్రతిభావంతులకు అవకాశం కల్పించాలనే సంకల్పంతో ఈ చిత్రాలను నిర్మిస్తున్నాం. ఈ చిత్రాల ద్వారా పలువురు సాంకేతికనిపుణులు, నటీనటులు పరిచయం కానున్నారు. ఓ వైపు కొత్తవారితో సినిమాలు చేస్తూ... మరోవైపు భారీ చిత్రాలను కూడా నిర్మిస్తాం. 'అలియాస్ జానకి' చిత్రానికి 'టెన్త్క్లాస్' ఫేం చందు దర్శకత్వం వహిస్తారు.
రెండవ చిత్రమైన 'ఏ శ్యామ్గోపాల్వర్మ ఫిలిం-నా సినిమా నా ఇష్టం' కామెడీ థ్రిల్లర్గా ఉంటుంది. ఐటీ రంగానికి చెందిన రాకేష్ శ్రీనివాస్ ఈ సినిమా ద్వారా దర్శకుడిగా పరిచయం కానున్నాడు. మూడో సినిమా 'అరెరే... అరెరే'. శేఖర్కమ్ముల శిష్యుడు శశికిరణ్ టిక్కాను ఈ సినిమా ద్వారా దర్శకుడిగా పరిచయం చేస్తున్నాం. ఏప్రిల్ నుంచి ప్రతి నెలా ఓ చిత్రాన్ని ప్రారంభిస్తాం'' అని తెలిపారు. ఇక త్రివిక్రమ్ తో చేయనున్న చిత్రం పవన్ ప్రస్తుతం పూరీ తో చేస్తున్న కెమెరామెన్ గంగతో రాంబాబు తర్వాత ప్రారంభం కానుంది.
Continue with Google