పవన్ కళ్యాణ్‌తో కలిసి నటించబోతున్న కమెడియన్ ఆలీ.. అలా సెట్ చేసిన స్టార్ దర్శకుడు

మెగా బ్రదర్ అనే భేదం లేకుండా

పవర్ స్టార్ పవన్ కళ్యాణ్ - ఆలీ స్నేహం గురించి స్పెషల్ గా చెప్పనవసరం లేదు. దాదాపు పవన్ కెరీర్ మొదలైనప్పటి నుంచి కూడా ప్రతి సినిమాలో ఆలీ స్క్రీన్ షేర్ చేసుకుంటూ వస్తున్నాడు. మెగా బ్రదర్ అనే భేదం లేకుండా ఆలీతో పవన్ స్నేహాన్ని కొనసాగించారు.

అలీకి పాత్రలు లేకపోతే

పవన్ సినిమా అంటే అందులో తప్పకుండా ఆలీ ఉండాల్సిందే. అంతలా వీరి మధ్య స్నేహం అనేది ఉండేది. బాలు సినిమాలో ఎలాంటి పాత్ర చేయడానికి వీలు లేకపోతే చివరికి పవన్ ఒక పాటలో అతన్ని యాక్ట్ చేయించాడు. దర్శకులు కూడా పవన్ కు కథ చెప్పాలని అనుకుంటే ముందుగానే ఆలీ కోసం కూడా ఒక రోల్ క్రియేట్ చేసుకునేవారు.

మాటల యుద్ధాలు జరగడంతో..

ఇక ఆ మధ్య రాజకీయాల కారణంగా ఇద్దరి మధ్య మాటల యుద్ధం జరిగిన విషయం తెలిసిందే. ఆలీ వైఎస్సార్ సీపీ చేరడంతో అందరూ షాక్ అయ్యారు. అనంతరం పవన్, ఆలీ మధ్య మాటల యుద్ధాలు జరగడం కూడా ఇండస్ట్రీలో హాట్ టాపిక్ గా నిలిచింది. ఇక మళ్ళీ వాళ్ళు కలిసి స్క్రీన్ షేర్ చేసుకోలేరేమో అనేంతలా అనుమానాలు వచ్చాయి.

పవన్ చేయబోయే తదుపరి సినిమాల్లో

కానీ అవకాశం వస్తే తప్పకుండా మళ్ళీ పవన్ కళ్యాణ్ తో కలిసి నటించడానికి తాను రెడీ అని ఆలీ ఒక ఇంటర్వ్యూలో చెప్పాడు. అలాగే తమ మధ్య మళ్ళీ ఎప్పటిలానే మంచి స్నేహమే ఉందని అన్నాడు. కోవిడ్ రావడం వలన దూరంగా ఉన్నాము అంతే అంటూ పవన్ చేయబోయే తదుపరి సినిమాల్లో తప్పకుండా ఎదో ఒక సినిమాలో ఉండవచ్చని అన్నాడు.

హరీష్ శంకర్ దర్శకత్వంలో

పవన్ కళ్యాణ్ - హరీష్ శంకర్ కాంబోలో ఒక సినిమా రాబోతోన్న విషయం తెలిసిందే. ఆ సినిమాలోనే ఆలీ నటించబోతున్నట్లు సమాచారం. ఇక ఈ గాసిప్ పై ఇప్పటివరకు అఫీషియల్ గా అయితే ఎలాంటి వివరణ ఇవ్వలేదు. ఇక పవన్ కూడా ఆలీతో నటించడానికి సిద్ధంగానే ఉన్నట్లు తెలుస్తోంది. ఇక ప్రకాష్ రాజ్ పొలిటికల్ గా విమర్శలు చేసినప్పటికీ ఆయనతో వకీల్ సాబ్ సినిమాలో స్క్రీన్ షేర్ చేసుకున్న విషయం తెలిసిందే. అలాగే ఆలీతో కూడా నటించడానికి పవన్ పెద్దగా అభ్యంతరం చెప్పకపోవచ్చని తెలుస్తోంది.