Pawan Kalyan: ఆ సమయానికి భీమ్లా నాయక్ వస్తే.. ఓటీటీ డేట్ కూడా ఫిక్స్!

RRR కారణంగా..

కరోనా కారణంగా సంక్రాంతికి రావాల్సిన పెద్ద సినిమాలు ఒక్కసారిగా వాయిదా పడిన విషయం తెలిసిందే. ఆ సమయానికి పవన్ కళ్యాణ్ సినిమా కూడా భారీ స్థాయిలో విడుదల కావాల్సింది. RRR సినిమా నిర్మాతల నుంచి కొంత అసంతృప్తి రావడంతో చర్చలతో సినిమాను వాయిదా వేసుకోవాల్సి వచ్చింది. కానీ ఆ తర్వాత పరిస్థితులు RRR కు కూడా ఏమాత్రం అనుకూలించ లేదు. ఏదేమైనా కూడా భీమ్ల్ నాయక్ సినిమా సంక్రాంతి ఫెస్టివల్ ను మిస్ చేసుకుంది అనే చెప్పాలి.

పాజిటివ్ బజ్

రానా దగ్గుబాటి పవర్ స్టార్ పవన్ కళ్యాణ్ కలిసి నటించిన ఈ సినిమా మలయాళం హిట్ మూవీ అయ్యప్పనుమ్ కొశీయుమ్ సినిమాకు రీమేక్ గా తెరపైకి వస్తున్న విషయం తెలిసిందే. తప్పకుండా సినిమా అంచనాలకు మించి అనేలా ఉంటుంది అని చిత్ర యూనిట్ సభ్యులు పాజిటివ్ వైబ్రేషన్స్ అయితే క్రియేట్ చేస్తున్నారు. విడుదలైన టీజర్ సాంగ్స్ కూడా మంచి బజ్ పెంచేశాయి. ఇక ఫిబ్రవరి 25 న ఎట్టిపరిస్థితుల్లోనూ విడుదల చేయాలని ఆలోచిస్తున్నారు.

మళ్ళీ వాయిదా పడితే..

ఇక రానున్న రోజుల్లో కరోనా పరిస్థితులు మరింత తీవ్రంగా మారే అవకాశం ఉన్నట్లుగా ఊహాగానాలు వ్యక్తమవుతున్నాయి. దీంతో మరికొన్ని సార్లు థియేటర్లు మూత పడే అవకాశం ఉన్నట్లుగా చెబుతున్నారు. ఇక ప్రస్తుతం అయితే భీమ్లా నాయక్ ను ఫిబ్రవరి 25 వ తేదీన విడుదల చేసేందుకు ప్రణాళికలు రచిస్తున్నారు. ఒకవేళ వాయిదా వేస్తే మార్చి లో వచ్చే అవకాశం ఉందట. సాగర్ కె చంద్ర దర్శకత్వంలో తెరకెక్కుతున్న ఈ సినిమాకు త్రివిక్రమ్ శ్రీనివాస్ మాటలు అందిస్తున్నారు. సీతారా ఎంటర్టైన్మెంట్స్ లో ఈ సినిమాను నిర్మిస్తున్న విషయం తెలిసిందే.

Bigg Boss Fame Himaja About Her Love At 10th Class Diaries Teaser Launch | Filmibeat Telugu

ఓటీటీలో ఎప్పుడంటే?

అయితే ఇటీవల చిత్ర నిర్మాత నాగవంశి ఓటీటీ రిలీజ్ విషయంలో కూడా చర్చలు జరిపినట్లు తెలుస్తోంది. సినిమా డిజిటల్ హక్కులను సొంతం చేసుకునేందుకు ఆహా సంస్థ ఆసక్తి చూపిస్తున్నట్లు తెలుస్తోంది. ఒకవేళ సినిమా అనుకున్న సమయానికి ఫిబ్రవరి 25వ తేదీన ప్రేక్షకుల ముందుకు వస్తే ఓటీటీలో మార్చి చివరి వారంలో విడుదల చేయాలని అనుకుంటున్నాడట. అందుకు సంబంధించిన చర్చలు కూడా ఇటీవల జరిగినట్లు తెలుస్తోంది. మరి భీమ్లా నాయక్ సినిమా అనుకున్న సమయానికి ఓటీటీలోకి వస్తుందో లేదో తెలియాలంటే మరికొన్ని రోజులు ఆగాల్సిందే.