పవన్ కొత్త సినిమా...‘ ఏడు కొండలు-చిత్ర’?

By Bojja Kumar

Published: Monday, December 12, 2011, 14:51 [IST]

పవర్ స్టార్ పవన్ కల్యాన్ త్వరలో...''ఏడు కొండలు-చిత్ర'' అనే సినిమా పేరుతో ప్రేక్షకుల ముందుకు రాబోతున్నాడని ఫిల్మ్ నగర్ లో ప్రచారం సాగుతోంది. ప్రముఖ సీనియర్ కొరియో గ్రాఫర్ రాజు సుందరం ఈ చిత్రానికి దర్శకత్వం వహిస్తున్నారని తెలుస్తోంది. రోమా అస్రాని పవన్ సరసన హీరోయిన్ గా ఎంపికయిందని, పవన్ సోదరుడు నాగబాబు ఇందులో హీరోయిన్ తండ్రి పాత్రను పోషిస్తున్నట్లు సమాచారం. ఈ సినిమాను ప్రముఖ నిర్మాత బివిఎస్‌ఎన్ ప్రసాద్ శ్రీ వెంకటేశ్వర సినీ చిత్ర బ్యానర్ పై ఈ చిత్రాన్ని నిర్మిస్తున్నారని, ఇప్పటికే కథా చర్చలు పూర్తయి, పవన్ గ్రీన్ సిగ్నల్ ఇచ్చాడనే వార్తలు వినిపిస్తున్నాయి.

ప్రస్తుతం పవన్ కళ్యాణ్ 'గబ్బర్ సింగ్' సినిమా షూటింగులో బిజీగా ఉన్నాడు. హారిష్ శంకర్ దర్శకత్వం వహిస్తున్న ఈచిత్రంలో శృతి హాసన్ హీరోయిన్ గా నటిస్తోంది. ప్రస్తుతం ఈ సినిమా షూటింగ్ పొల్లాచ్చిలో జరుగుతోంది.

ఇటీవల విడుదలైన పంజా సినిమా ఆశించిన ఫలితాలు ఇవ్వక పోవడంతో గబ్బర్ సింగ్ పైనే బోలెడు ఆశలు పెట్టుకున్నాడు పవన్ కళ్యాణ్.