రామ్ చరణ్ మూవీతో పవన్ కళ్యాణ్ మళ్లీ సినిమాల్లోకి?

త్రివిక్రమ్ దర్శకత్వంలో సినిమా నిర్మాణం?

త్రివిక్రమ్ దర్శకత్వంలో ఓ సినిమా నిర్మించాలనే ఆలోచనలో పవన్ కళ్యాణ్ ఉన్నారట. పవర్ స్టార్ ఇప్పటికే ‘పవన్ కళ్యాణ్ క్రియేటివ్ వర్క్స్' పేరుతో సొంత ప్రొడక్షన్ ప్రారంభించిన విషయం తెలిసిందే. దీన్ని గ్రాండ్‌గా రీ లాంచ్ చేసే ఆలోచనలో ఉన్నారట.

రామ్ చరణ్‌‌కు ప్రపోజల్

త్రివిక్రమ్ దర్శకత్వంలో సినిమా చేయాలని రామ్ చరణ్‌కు ఓ ప్రపోజల్ పంపారని, సొంత బాబాయ్ నుంచి వచ్చిన ప్రపోజల్ కావడంతో మెగా పవర్ స్టార్ కూడా వెంటనే ఓకే చెప్పారని టాక్. ఆల్రెడీ త్రివిక్రమ్ కూడా తన వద్ద ఉన్న స్టోరీ పాయింట్ చెర్రికి చెప్పినట్లు సమాచారం.

ఈ ప్రాజెక్ట్ దాదాపుగా ఓకే అయినట్లేనా?

రామ్ చరణ్-త్రివిక్రమ్ ప్రాజెక్ట్ దాదాపుగా ఒకే అయినట్లుగా మీడియాలో కథనాలు వెలువడ్డాయి. అయితే ఈ ఇద్దరూ తమ తమ కమిట్మెంట్లు పూర్తి చేసుకున్న తర్వాత దీనిపై ఫోకస్ పెట్టే అవకాశం ఉన్నట్లు తెలుస్తోంది. మరో వైపు మెగాస్టార్ చిరంజీవితో కూడా త్రివిక్రమ్ ఓ సినిమా కమిటైన సంగతి తెలిసిందే. ‘సైరా' తర్వాత చిరు... కొరటాల శివతో సినిమా చేయనున్నారు. దీని తర్వాత చిరు-త్రివిక్రమ్ మూవీ ప్రారంభం కానుంది.

రామ్ చరణ్, త్రివిక్రమ్ బిజీ బిబీ

రామ్ చరణ్ ప్రస్తుతం ఎస్ఎస్ రాజమౌళి దర్శకత్వంలో ‘RRR' మూవీ చేస్తున్న సంగతి తెలిసిందే. వచ్చే ఏడాది ఈ చిత్రం ప్రేక్షకుల ముందుకు రాబోతోంది. త్రివిక్రమ్ ప్రస్తుతం అల్లు అర్జున్ హీరోగా ఓ సినిమా చేస్తున్నారు. ఈ కమిట్మెంట్లు పూర్తయిన తర్వాత పవన్ కళ్యాణ్ నిర్మాణంలో చరణ్-త్రివిక్రమ్ కాంబినేషన్లో వచ్చే సినిమాపై ఓ క్లారిటీ రానుంది.