రూ. 120 కోట్ల లాస్: ఆదుకోవాలని ఉన్నా ఏమీ చేయలేక పవన్ కళ్యాణ్ బయటకు!

వరుస ప్లాపులు

పవన్ కళ్యాణ్ ప్రస్తుతం సినిమాలు వదిలేసి రాజకీయాల్లో సీరియస్ గా ఎంటరైన సంగతి తెలిసిందే. ఆయన రాజకీయ ఎంట్రీకి ముందు మూడు సినిమాలు చేశారు. ఆ మూడు చిత్రాలు భారీగా నష్టలే మిగిల్చాయి.

సర్దార్ గబ్బర్ సింగుతో మొదలు

‘అత్తారింటికి దారేది' హిట్ తర్వాత పవన్ కళ్యాణ్ నటించిన చిత్రం ‘సర్దార్ గబ్బర్ సింగ్'. ఎన్నో అంచనాలతో వచ్చిన ఈ చిత్రం బాక్సాఫీసు వద్ద బోల్తా పడింది. ఈ చిత్రం వల్ల దాదాపు రూ. 20 కోట్ల నష్టం ఏర్పడినట్లు అంచనా.

కాటమరాయుడి వల్ల ఎంత నష్టం?

హిట్టు, ప్లాపులతో సంబంధం లేకుండా పవన్ కళ్యాణ్ సినిమాలకు బిజినెస్ జరుగుతూ ఉంటుంది. ‘సర్దార్ గబ్బర్ సింగ్' తర్వాత వచ్చిన ‘కాటమరాయుడు' చిత్రానికి దాదాపు రూ. 90 కోట్ల బిజినెస్ జరిగింది. అయితే రికవరీ అయింది కేవలం 61 కోట్లు మాత్రమే. దీంతో 30 కోట్ల నష్టం తప్పలేదు. వాస్తవానికి ఈ చిత్రం ద్వారా ‘సర్దార్ గబ్బర్ సింగ్' వల్ల నష్టపోయిన వారిని ఆందుకుందామనుకున్నారు. అది జరుగక పోగా.... మళ్లీ నష్టమే మిగిలింది.

కాంబినేన్ క్రేజ్ కూడా ఫెయిల్

పవన్ కళ్యాణ్-త్రివిక్రమ్ కాంబినేషన్ అంటే ముందు నుండి మంచి క్రేజ్ ఉంది. దీంతో ఇటీవల వచ్చిన ‘అజ్ఞాతవాసి' సినిమాకు గత రెండు ప్లాపులతో సంబంధం లేకుండా రూ. 125 కోట్ల బిజినెస్ జరిగింది. అయితే సినిమా ప్లాప్ కావడంతో గత రెండు చిత్రాలను మించిన నష్టం వాటిల్లింది. ఈ ఒక్క చిత్రం ద్వారానే దాదాపు 70 కోట్ల నష్టం వాటిల్లినట్లు అంచనా..

టోటల్ లాస్ 120 కోట్లు

పవన్ కళ్యాణ్ నటించిన గత 3 సినిమాల ద్వారా టోటల్ లాస్ రూ. 120 కోట్లు. అయితే పవన్ కళ్యాణ్ సినిమాలను వదిలేసి రాజకీయాల్లోకి వచ్చిన నేపథ్యంలో ఈ 120 కోట్లు రికవరీ కానీ నష్టంగానే మిగిలిపోయిందనే టాక్ వినిపిస్తోంది.

ఏమీ చేయలేని నిస్సహాయ స్థితిలో పవన్

వాస్తవానికి పవన్ కళ్యాణ్ తన సినిమాల వల్ల నష్టపోయిన వారిని ఆదుకోవడానికి తన శక్తి మేర ప్రయత్నిస్తుంటారు. అయితే ఆ ప్రయత్నంలో భాగంగా పవన్ కళ్యాణ్ చేసిన మూడు చిత్రాలు నష్టాలను పూడ్చక పోగా ఒకదాన్ని మించి మరొకటి మరింత నష్టపరిచాయి. దీంతో ఆదుకోవాలి ఉన్నా ఏమీ చేయలేని నిస్సహాయ స్థితిలో పవన్ కళ్యాణ్ సినిమాలను వీడక తప్పలేదు.