పవన్ కళ్యాణ్ నో చెప్పారు, మరి చిరంజీవి ఒప్పుకుంటారా?

సాయి ధరమ్ తేజ్‌ను నిలబెట్టేందుకు పవన్ వస్తాడని...

చాలా రోజులుగా సాయి ధరమ్ సరైన హిట్ లేక స్ట్రగుల్ అవుతున్నాడు. ఈ నేపథ్యంలో ఇందులో తాను రాసుకున్న కథలో పవర్ స్టార్ పాత్ర ఉంటే హిట్ ఖాయం అని డాలీ భావించారు. ఈ విషయాన్ని సాయి ధరమ్‌కు చెప్పడం, మామయ్యను నేను ఒప్పిస్తానని అతడు మాటివ్వడం జరిగిందట.

రాజకీయ పరిణామాలు మరోలా...

అయితే ప్రస్తుతం ఉన్న రాజకీయ పరిణామాల నేపథ్యంలో తాను సినిమాల వైపు వస్తే పరిస్థితి మరోలా ఉంటుందని భావించిన పవన్ కళ్యాణ్..... డాలీ సినిమాలో గెస్ట్ రోల్ చేయడానికి ఆసక్తి చూపలేదని తెలుస్తోంది. అయితే అప్పటికే వార్తలు స్ప్రెడ్ అవ్వడంతో జనసేన అధినేత అఫీషియల్ ప్రెస్ నోట్ ద్వారా ఖండించక తప్పలేదు.

చిరంజీవిని సంప్రదిస్తారా?

అయితే పవర్ స్టార్ చేయడానికి నో చెప్పారు కాబట్టి.... చిరంజీవిని ఆశ్రయించాలని డాలీ భావిస్తున్నారట. అయితే ఇది ఎంత మేరకు వర్కౌట్ అవుతుందో చూడాలి. త్వరలోనే ఈ విషయమై ఓ క్లారిటీ వచ్చే అవకాశం ఉంది.

పవన్ కళ్యాణ్ స్టేట్మెంట్

‘నేను త్వరలో ఒక సినిమా చేయబోతున్నట్లు కొన్ని మాధ్యమాల్లో వచ్చిన వార్తలు నిజం కాదు. ఏ చిత్రంలోనూ నటించేందుకు అంగీకారం తెలుపలేదు. సినిమాలో నటించేందుకు అవసరమైన సమయం లేదు. ప్రజా జీవితానికే పూర్తతి సమయం కేటాయించాను. ప్రజల్లోనే ఉంటూ, జనసైనికులు, అభిమానులతో కలిసి పాలకుల తప్పిదాలను బలంగా వినిపిస్తున్న తరుణమిది. సినిమాలపై దృష్టి సారించడం లేదు. నా ఆలోచనలు అన్నీ ప్రజా క్షేమం కోసమే. నా తపన అంతా సమసమాజ స్థాపన కోసమే.'' అని పవన్ కళ్యాణ్ ఇటీవల తన అఫీషియల్ స్టేట్మెంటులో స్పష్టం చేశారు.