పవన్ ప్రొడ్యూసర్ గా మారటానికి కారణం?

By Staff

Published: Tuesday, March 10, 2026, 18:20 [IST]

పవన్ కళ్యాణ్ సొంత ప్రొడక్షన్ హౌస్ పెట్టబోతున్నరనే వార్త పరిశ్రమలో వినపడుతోంది. అందులోనూ ఈ మధ్యన ఆయన తన అన్న కుమారుడు చరణ్ తో సినిమా నిర్మిస్తారని...అదీ త్రివిక్రమ్ తో అనే న్యూస్ వచ్చిన సంగతి తెలిసిందే. ఇక పవన్ ఏర్పాటు చేయనున్న బ్యానర్ అతని తండ్రి పేరు మీద పెట్టనున్నాడని తెలుస్తోంది. అలాగే ఈ కొత్త బ్యానర్ భాద్యతలను పూర్తి స్ధాయిలో అతని భార్య రేణు దేశై చూడనున్నట్లు సమాచారం. ఇప్పటికే స్టోరీ డిపార్ట్ మెంట్ ని స్వయంగా నిర్వహిస్తున్న పవన్ వారిని ఈ బ్యానర్ కి వినియోగించనున్నట్లు చెపుతున్నారు.

అలాగే వరసగా సినిమాలు తీయటం కోసం ఫండ్స్ చేయటానికి కొందరితో టై అప్స్ అవనున్నారని,అయితే తన ఆలోచనలతో కలసే వారినే చేర్చుకుంటారని వినపడుతోంది. అలాగే సొంత బ్యానర్ ఏర్పాటు చేయటం ద్వారా ఇండుడ్యువాలిటీ కీ ,సొంత నిర్ణయాలకు ఆస్కారం ఉంటుందని, తన భావాలకు దగ్గరగా ఉండే తరహా చిత్రాలు తీసుకునే అవకాశం ఉంటుందని ఆయన భావిస్తున్నారుట.

ఇప్పటికే ఆ కుటుంబంలో ఉన్న అంజనా ప్రొడక్షన్స్, గీతా ఆర్ట్స్ లలో సినిమాలు చేసేటప్పుడు పూర్తిగా వారికి డబ్బు నష్టపోకుండా చూడాల్సిన భాధ్యత తనపై ఉంటుందని ...దాంతో కొంత వరకూ కాంప్రమైజ్ అవ్వాల్సి ఉంటుందని అందుకే సొంత బ్యానర్ లో అయితే ఆ ఇబ్బంది ఉండదని సన్నిహితులతో చర్చించినట్లు సమాచారం. త్వరలోనే అధికారికంగా బ్యానర్ రిజిస్ట్రేషన్ జరిపి వార్తను వెళ్ళడించే అవకాశం ఉంది.

More from Filmibeat