Don't Miss!
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
అల.. వైకుంఠపురములో: మెగా అభిమానులకు బిగ్ సర్ప్రైజ్.. పవన్ కళ్యాణ్ మార్క్
స్టైలిష్ స్టార్ అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో తెరకెక్కుతున్న సినిమా 'అల.. వైకుంఠపురములో'. ఈ సినిమా షూటింగ్ చివరిదశలో ఉంది. ఇక పోస్ట్ ప్రొడక్షన్ పనులు, గ్రాఫిక్ వర్క్స్పై స్పెషల్ కేర్ తీసుకోనున్నారు త్రివిక్రమ్. ఈ నేపథ్యంలో బన్నీకి బాగా ప్లస్ అయ్యేలా ఈ సినిమాలో పవన్ కళ్యాణ్ మార్క్ చూపించాలని ప్లాన్ చేస్తున్నారట మాటల మాంత్రికుడు. ఇదే జరిగితే మెగా ఫాన్స్కి ఇంతకన్నా మించిన పండగ ఇంకేముంటుంది అనే టాక్ నడుస్తోంది. ఇంతకీ ఏంటా ప్లాన్? వివరాల్లోకి పోతే..
Recommended Video
పవన్ కళ్యాణ్ పవన్ సాయం కోరిన త్రివిక్రమ్
పవర్ స్టార్ పవన్ కళ్యాణ్, డైరెక్టర్ త్రివిక్రమ్ బేసికల్గా మంచి స్నేహితులు. ఈ ఇద్దరూ కలిసి ''జల్సా, అత్తారింటికి దారేది'' సినిమాలతో ప్రేక్షకులను ఆకట్టుకున్నారు. దీంతో ఈ స్నేహం మరింత బలపడింది. ఇద్దరి మధ్య ఉన్న స్నేహం కారణ్మగానే త్రివిక్రమ్ తన తాజా సినిమా 'అల.. వైకుంఠపురములో' కోసం పవన్ సాయం కోరారని తెలుస్తోంది.
'అల.. వైకుంఠపురములో' పవన్ మార్క్
ఇప్పటికే 'అల.. వైకుంఠపురములో' సినిమా నుంచి విడుదలైన ''సామజవరాగమన, రాములో రాములా'' పాటలు రికార్డుల సునామీ సృష్టిస్తూ ఈ సినిమాపై భారీ హైప్ క్రియేట్ చేశాయి. ఈ క్రేజ్ రెట్టింపు చేసేలా పవన్ కళ్యాణ్ మార్క్ చూపించాలని భావిస్తున్న త్రివిక్రమ్.. పవన్ వాయిస్ ఓవర్తో టీజర్ రిలీజ్ చేసేలా సన్నాహాలు చేస్తున్నారట. ఈ మేరకు పవన్ అంగీకారం కూడా తీసుకొని ఆ పనులు మొదలుపెట్టారని టాక్.
త్రివిక్రమ్ కోసం పవన్ కళ్యాణ్
ఇప్పటికే తన అన్న మెగాస్టార్ చిరంజీవి కోసం 'సైరా నరసింహారెడ్డి' సినిమాకు వాయిస్ ఓవర్ చెప్పిన పవన్ కళ్యాణ్.. మరోసారి తన బెస్ట్ ఫ్రెండ్ త్రివిక్రమ్ కోసం 'అల.. వైకుంఠపురములో' సినిమాకు హెల్ప్ చేయబోతున్నాడన్న మాట. ఏదేమైనా ఇదే నిజమైతే మెగా అభిమానులకు ఇంతకన్నా మించిన పండగ మరోటి లేదనే చెప్పుకోవచ్చు.
సంక్రాంతి కానుక.. అభిమానుల్లో ఆతృత
సంక్రాంతి కానుకగా జనవరి 12వ తేదీన ఈ సినిమా విడుదల కానున్న నేపథ్యంలో టీజర్ కోసం ఆసక్తిగా ఎదురు చూస్తున్నారు బన్నీ ఫ్యాన్స్. అయితే తాజాగా వినిపిస్తున్న సమాచారం మేరకు 'అల.. వైకుంఠపురములో' టీజర్ డిసెంబర్ 7 లేదా 8వ తేదీన విడుదల చేయాలని డిసైడ్ అయ్యారట త్రివిక్రమ్. అంటే పవన్ వాయిస్ వినడానికి సమయం చాలా దగ్గరపడిందన్నమాట.
'అల.. వైకుంఠపురములో' మూవీ
గీతా ఆర్ట్స్ బ్యానర్, హారిక & హాసిని క్రియేషన్స్ సంయుక్త సమర్పణలో భారీ హంగులతో రూపొందుతోన్న 'అల.. వైకుంఠపురములో' మూవీలో బన్నీ సరసన పూజా హెగ్డే హీరోయిన్గా నటిస్తోంది. సీనియర్ హీరోయిన్ టబు కీలక పాత్ర పోషిస్తోంది. ఈ సినిమాపై అల్లు అర్జున్ అభిమానుల అంచనాలు ఆకాశాన్నంటుతున్నాయి.