»   » క్రియేటివ్ దర్శకుడుతో పవన్ నెక్ట్స్?

క్రియేటివ్ దర్శకుడుతో పవన్ నెక్ట్స్?

Posted By:
Subscribe to Filmibeat Telugu
హైదరాబాద్ : పవన్ కళ్యాణ్ అంటే వైవిధ్యమైన కథాంశాలతో చేసే చిత్రాలకు పెట్టింది పేరు. అందుకే ఆయన బ్రాండ్ చిత్రాలు రెగ్యులర్ చిత్రాలుకు భిన్నంగా ఉంటాయి. అదే ఫందాను అనుసరిస్తూ...ఆయన తాజాగా కృష్ణ వంశీ తో చిత్రం చేయటానికి చర్చలు జరుపుతున్నట్లు ఫిల్మ్ నగర్ సమాచారం. క్రియేటివ్ దర్శకుడుగా పేరు తెచ్చుకున్న కృష్ణ వంశీ,పవన్ కాంబినేషన్ లో ఇప్పటివరకూ ఏ చిత్రమూ రాలేదు. దాంతో ఈ కాంబినేషన్ సెట్ అయితే మంచి క్రేజ్ వచ్చే అవకాసం ఉంది.

ప్రస్తుతం కృష్ణ వంశీ తన తాజా చిత్రం పైసాపై దృష్టి పెట్టారు. నాని హీరోగా రూపొందిన ఆ చిత్రం డబ్బు ..మానవ సంభంధాలు అనే అంశం చుట్టూ తిరుగుతుంది. ఇక పవన్ కల్యాణ్, సమంత జంటగా నటిస్తున్న క్రేజీ చిత్రం 'అత్తారింటికి దారేది' . త్రివిక్రమ్ దర్శకత్వం వహిస్తున్న ఈ చిత్రాన్ని శ్రీ వెంకటేశ్వర సినీ చిత్ర పతాకంపై బి.వి.ఎస్.ఎన్. ప్రసాద్ నిర్మిస్తున్నారు. ప్రణీత మరో హీరోయిన్ గా నటిస్తున్న ఈ సినిమా షూటింగ్ హైదరాబాద్‌లో జరుగుతోంది.

ఈ చిత్రం డబ్బింగ్ పనులు మొదలయ్యాయి.త్వరలో 25 రోజుల షెడ్యూల్ నిమిత్తం యూరప్ వెళ్లేందుకు యూనిట్ సన్నాహాలు చేస్తోంది. అందులో భాగంగా స్పెయిన్‌లోనూ చిత్రీకరణ జరపనున్నారు.

'వన్ లైనర్' డైలాగులకూ, కామెడీకీ పెట్టింది పేరైన త్రివిక్రమ్ ఈ సినిమాలోనూ వాటికి ప్రాధాన్యం ఇస్తున్నారు. రొమాంటిక్ ఫ్యామిలీ ఎంటర్‌టైనర్‌గా తయారవుతున్న ఈ చిత్రంలో బాలీవుడ్ నటుడు బొమన్ ఇరానీ, ఇటీవలే 'మిర్చి'లో ప్రభాస్ తల్లిగా కనిపించిన నదియా కీలక పాత్రలు చేస్తున్నారు.

దేవిశ్రీ ప్రసాద్ సంగీతం సమకూరుస్తున్న ఈ సినిమాని ఆగస్టులో ప్రేక్షకుల ముందుకు తీసుకు వచ్చేందుకు నిర్మాత సన్నాహాలు చేస్తున్నారు. 'జల్సా' వంటి హిట్ సినిమా తర్వాత పవన్, త్రివిక్రమ్ కాంబినేషన్‌లో తయారవుతున్న ఈ సినిమాపై అంచనాలు అసాధారణంగా ఉన్నాయి.

English summary
Pawan Kalyan has not lost his craze amongst the fans and hit the top with block buster GABBAR SINGH and Krishna Vamshi is a director with more social responsibility and human values and his films convey a great message, though his creativity is not lost, he is unable to connect with the current generation and had been delivering flops. It’s heard that he’s planning to make a movie with Pawan Kalyan and the film nagar folks feel that unless KV’s upcoming movie PAISA turns out to be a hit at BO, he cannot get a chance to work with Pawan Kalyan.
Please Wait while comments are loading...