పూజా హెగ్డే, రకుల్​ ప్రీత్​ సింగ్​తో పాన్​ ఇండియా చిత్రం!.. ఇది వేరే లెవెల్​ ప్లాన్​..

మరాఠీ హిట్ సినిమా..

ప్రస్తుతం ఎలాగైనా హిట్​ కొట్టాలన్న లక్ష్యంతో రంగమార్తాండ మూవీని తెరకెక్కిస్తున్నారు కృష్ణవంశీ. మరాఠీలో విడుదలై విజయవంతమైన నట సామ్రాట్​ సినిమాకు ఇది రీమేక్​గా రానుంది. సాధారణంగా కృష్ణవంశీ రీమేక్​లపై అంతగా ఆసక్తి కనబరచరు.

సినిమాకు ఫిదా.. రీమేక్​కు ఫిక్స్​..

ఎప్పుడూ ఆయన సొంత కథలను నమ్మే సినిమాలు రూపొందిస్తారు. కానీ నట సామ్రాట్​ చిత్రాన్ని వీక్షించిన ఆయన ఫిదా అయి రీమేక్​ చేయాలని డిసైడ్ అయ్యారని టాక్. నట సామ్రాట్​ చిత్రంలో బాలీవుడ్​ ప్రముఖ నటుడు నానా పటేకర్​ ప్రధాన పాత్ర పోషించగా, తెలుగులో ప్రకాష్​ రాజ్​ చేస్తున్నారు.

కీలక పాత్రలో బ్రహ్మానందం..

అలాగే మరో ముఖ్య పాత్ర అయిన నానా పటేకర్​ పక్కన ఫ్రెండ్​ క్యారెక్టర్​గా మరాఠీలో విక్రమ్​ గోఖలో నటించగా తెలుగులో బ్రహ్మానందాన్ని ఎంపిక చేశారట. సీరియస్​గా ఎమోషనల్​గా ఈ పాత్ర ఉంటుందట. ప్రస్తుతం పోస్ట్​ ప్రొడక్షన్​ కార్యక్రమాలు జరుపుకుంటోంది ఈ మూవీ.

ఫుడ్​ మాఫియా నేపథ్యంలో..

త్వరలో ఈ మూవీ విడుదల కానుంది. అయితే దీని తర్వాత మరో సినిమా చేయనున్నారు కృష్ణవంశీ. ఇప్పటికే అన్నం అనే సినిమాను ప్రకటించారు. ఇది ఫుడ్​ మాఫియా కథతో తెరకెక్కనుందట. దీంతో పాటు ఒక ఫీమేల్​ సెంట్రిక్​ మూవీ చేసేందుకు సిద్ధమవుతున్నాడట కృష్ణవంశీ.

పాన్​ ఇండియాగా..

ఎప్పటి నుంచో తీయాలనుకుంటున్నా ఈ ప్రాజెక్ట్​ను స్ట్రీమ్​ లైన్​ చేశారని సమాచారం. ఈ మూవీలో బుట్టబొమ్మ పూజా హెగ్డే, ఫిట్​నెస్​ సుందరి రకుల్​ ప్రీత్​ సింగ్​లను హీరోయిన్లుగా తీసుకోనున్నారట. అలాగే ఈ చిత్రాన్ని పాన్​ ఇండియా మూవీగా తెరకెక్కించాలని కృష్ణవంశీ భావిస్తున్నట్లు సమాచారం.

బాలీవుడ్​లో పాగా..

ప్రస్తుతం ఈ ఇద్దరు హీరోయిన్లకు మంచి పాపులారిటే ఉంది. రకుల్ ప్రీత్ సింగ్​ టాలీవుడ్​లో అంతగా సినిమాలు తీయకపోయినప్పటికీ, బాలీవుడ్​లో అనేక సినిమాలతో బిజీగా మారింది. ఇక బుట్టబొమ్మకు అల వైకుంఠపురం మూవీతో మంచి పాపులారిటీనే వచ్చింది.

త్వరలో ప్రకటన..

ఇటీవల రాధేశ్యామ్​, బీస్ట్​ మూవీస్​ అంతగా విజయం సాధించకపోయినప్పటికీ ఆమె ఫాలోయింగ్​కు ఏ మాత్రం తగ్గలేదనే చెప్పవచ్చు. పైగా వీరిద్దరూ బాలీవుడ్​లో సినిమాలు చేస్తూ తమ ఉనికిని బాగానే కాపాడుకుంటున్నారు. అయితే ఈ మూవీకి సంబంధించిన ప్రకటన త్వరలో వెలువడనుంది.