Kalki 2898AD ఆసియాలో ఒకే ఒక్కడు ప్రభాస్.. 'కల్కి'తో సంచలన రికార్డ్​.. ఫస్ట్​ డేనే రూ.500 కోట్లు!

నెక్స్ట్ సమ్మర్‌లో రానున్న భారీ పాన్ ఇండియా సినిమా 'కల్కి'. సలార్ వంటి భారీ గ్రాండ్​ హిట్ తర్వాత పాన్ ఇండియా స్టార్​ ప్రభాస్ నుంచి రాబోతున్న చిత్రమిది. దీనిపై మొదటి నుంచి ఊహకుమించిన భారీ అంచనాలు నెలకొన్నాయి. మూవీటీమ్​ ఆ రేంజ్​లో ఎక్స్​పెక్టేషన్స్​ను పెంచుతోంది. ఇంకా చెప్పాలంటే పాన్ ఇండియా కాదు అంతర్జాతీయ స్థాయి ప్రమాణాలతో పాన్ వరల్డ్​గా రాబోతుందని అంటోంది. అయితే ఇప్పుడీ సినిమా రిలీజ్​కు సంబంధించి మరో సూపర్ అప్డేట్​ వచ్చింది. ఆసియాలోనే ఆ రికార్డ్​ సాధించిన తొలి చిత్రంగా నిలవనుంది. అదేంటో తెలుసుకుందాం..

గతేడాది సలార్ సినిమాతో బ్లాక్ బస్టర్ హిట్​ అందుకున్నారు రెబల్ స్టార్​ హీరో ప్రభాస్. నెక్ట్స్​ ఈ హీరో కాంపౌండ్ నుంచి రాబోతున్న సినిమా 'కల్కి 2898 ఏడి'. ప్రభాస్ టైటిల్‌ రోల్‌లో నటిస్తున్న మోస్ట్ ఎవెయిటెడ్‌ ప్రాజెక్ట్‌ ఇది కల్కి 2898 ఏడీ. మహానటి ఫేమ్​ నాగ్‌ అశ్విన్‌ దర్శకత్వం వహిస్తున్నారు. సైన్స్ ఫిక్షన్‌ జోనర్‌లో ఇది రాబోతుంది. ఇప్పటికే రిలీజ్ చేసిన గ్లింప్స్ నెట్టింట వ్యూస్​ను అందుకుని టాక్ ఆఫ్ ది టౌన్‌గా నిలిచింది.

అయితే ఈ చిత్రం మొదటి నుంచే పురాణాలను టచ్ చేస్తూ తెరకెక్కుతోందని ప్రచారం సాగుతున్న సంగతి తెలిసిందే. ప్రభాస్ కల్కి అవతారంలో కనిపించనున్నారని అన్నారు. బిగ్​ బీ అమితాబ్ బచ్చన్ పాత్రను అశ్వథ్థామ‌ను రిఫరెన్స్​గా తీసుకొని డిజైన్ చేసినట్లు చెప్పారు. యూనివర్సల్​ స్టార్ కమల్​ హాసన్​ విలన్​గా నటిస్తున్నారు. బాలీవుడ్ హాట్ భామలు దీపికా పదుకొణె, దిశా పటానీ ఇతర పాత్రల్లో నటిస్తున్నారు.

ఇకపోతే ఈ చిత్రాన్ని ఏకంగా మూడు భాగాలుగా తెరకెక్కిస్తున్నట్లుగా కూడా రూమర్స్ వచ్చాయి. మొదటి భాగాన్ని 'కల్కి 2898 AD' పేరుతో ఈ వేసవి మే 9న గ్రాండ్​గా రిలీజ్​ చేయనున్నట్లు ఆ మధ్య మేకర్స్ అనౌన్స్ చేశారు. అయితే ఇప్పుడీ సినిమా ఓ అరుదైన రికార్డును అందుకోనుందని తెలుస్తోంది. ఈ చిత్రాన్ని దాదాపు 25కుపైగా భాషల్లో రిలీజ్ చేస్తున్నారట. ఒకవేళ ఇదే కనుక జరిగితే ఆసియాలోనే ఇన్ని భాషల్లో రిలీజైన తొలి చిత్రంగా నిలుస్తుంది.

ఈ సినిమాను వైజయంతీ మూవీస్​ భారీ బడ్జెట్​తో తెరకెక్కిస్తోంది. దాదాపు రూ.500కోట్ల వరకు ఖర్చు చేస్తోందని తెలిసింది. ఎలాగో ప్రభాస్ సినిమా కాబట్టి కలెక్షన్ల విషయంలో టెన్షన్ అక్కర్లేదు. పెట్టిన పెట్టుబడి ఈజీగా వచ్చేస్తాయి. ఓపెనింగ్స్​ కూడా ఆయన సినిమాలకు భారీగా ఉంటాయి. ఈ లెక్కన ఇప్పుడు కల్కి కూడా 25కు పైగా భాషల్లో రిలీజ్ అంటున్నారు కాబట్టి కనీసం తొలి రోజే ఓపెనింగ్స్​ రూ.500కోట్లకు పైగా వసూళ్లను అందుకుంటుందని ట్రేడ్ వర్గాలు అంచనాలు వేస్తున్నాయి.