హోమ్

గాసిప్స్

ప్రభాస్ హీరోగా రచయిత నుంచి దర్శకుడుగా మారిన కొరటాల శివ దర్శకత్వంలో ఓ చిత్రం ప్రారంభమైన సంగతి తెలిసిందే. ఈ చిత్రం టైటిల్ వారధి అని పెట్టినట్లు సమాచారం. ఈ వారధి టైటిల్ ని మొదట అల్లు అర్జున్ పరుగు చిత్రానికి అనుకున్నారు. అయితే టైటిల్ క్యాచీగా ఉండాలని మార్చి పరుగు అని పెట్టారు. ఇప్పుడు అదే టైటిల్ ని ప్రభాస్ చిత్రానికి వాడుతున్నారు. ఇక వి.వంశీకృష్ణారెడ్డి, ప్రమోద్ ఉప్పలపాటి సంయుక్తంగా వి.వి.క్రియేషన్స్ పతాకంపై ఈ చిత్రం నిర్మాణమవుతోంది. ఈ చిత్రం గురించి నిర్మాతలు మాట్లాడుతూ.. 'ఈ చిత్రంలో హీరో ప్రభాస్ పాత్ర తీరుతెన్నులు వైవిధ్యభరితంగా ఉండటమే కాక గెటప్ కూడా వినూత్నంగా ఉంటుంది.

ఇదివరకెన్నడూ చూడని విధంగా ప్రభాస్ కనిపిస్తారు. నవంబర్ నుంచి ఈ చిత్రం రెగ్యులర్ షూటింగ్‌ని ప్రారంభిస్తాం. దేవిశ్రీ ప్రసాద్ సంగీతాన్ని అందించనుండగా, ఇద్దరు ప్రముఖ హీరోయిన్లు ప్రభాస్ సరసన నటిస్తున్నారని తెలిపారు. దర్శకుడు కొరటాల శివ మాట్లాడుతూ- 'ప్రభాస్ ఇమేజ్‌కి ఏ మాత్రం తగ్గకుండా ఈ చిత్రాన్ని తెరకెక్కిస్తున్నామని తెలిపారు. ఇక కొరటాల శివ గతంలో బృందావనం, ఊసరవెల్లి చిత్రాలకు రచన చేసారు. అందులోని డైలాగులు బాగా పేరు తెచ్చుకున్న సంగతి కూడా తెలిసిందే.