సాహో విడుదలకు ముందే ప్రభాస్ దూకుడు.. మరో సినిమా!

యంగ్ రెబల్ స్టార్ ప్రభాస్ భారీ బడ్జెట్ చిత్రం సాహోలో నటిస్తున్న సంగతి తెలిసిందే. ఈ చిత్రం 2019 లో ప్రేక్షకుల ముందుకు రానుంది. కానీ విడుదల తేదీపై ఇంకా క్లారిటీ రాలేదు. కనీవినీ ఎరుగని యాక్షన్ సన్నివేశాలతో ఈ చిత్రం రూపొందుతుండంతో షూటింగ్ ఆలస్యం అవుతోంది.

Recommended Video

సాహో షూటింగ్ జరుగుతుండగానే ప్రభాస్ దూకుడు పెంచబోతున్నాడు. ఆగష్టు మొదటి వారంలోనే ప్రభాస్ మరో చిత్రాన్ని ప్రారంభించనున్నట్లు వార్తలు వస్తున్నాయి. జిల్ దర్శకుడు రాధాకృష్ణ ఈ చిత్రానికి దర్శకుడు.

యూవీ క్రియేషన్స్ బ్యానర్ లో రూపొందబోతున్న ఈ చిత్రంలో పూజ హెగ్డే హీరోయిన్ గా ఎంపికైనట్లు తెలుస్తోంది. మరిన్ని వివరాల గురించి చిత్ర యూనిట్ అధికారికంగా ప్రకటన చేయవలసి ఉంది.