సెంటిమెంట్ ఉచ్చులో సాహో‌.. ప్రభాస్ ఇంట్రస్టింగ్ గెటప్! ట్రైలర్, రిలీజ్ డేట్ ఫిక్స్!

అక్టోబర్‌లో టీజర్.. మార్చిలో

తాజా సమాచారం ప్రకారం.. సాహో టీజర్‌ను ప్రభాస్ జన్మదినం సందర్భంగా అక్టోబర్‌లో రిలీజ్ చేయాలని నిర్ణయం తీసుకొన్నట్టు తెలిసింది. అలాగే టీజర్ తర్వాత వెంటనే ఆలస్యం చేయకుండా వచ్చే ఏడాది మార్చిలో విడుదల చేసేందుకు సిద్ధమవుతున్నట్టు సమాచారం.

ఏప్రిల్‌లో సాహో

ఇక సాహో సినిమా రిలీజ్‌ను వెంటాడుతున్నది. బాహుబలి సినిమా విడుదలైన ఏప్రిల్‌లోనే సాహోను విడుదల చేయాలని నిర్ణయించినట్టు సమాచారం. దీని ప్రకారం ఏప్రిల్ చివరి వారంలో సాహో విడుదలయ్యే అవకాశం ఉంది.

దేశవ్యాప్తంగా విడుదలకు

బాహుబలి తర్వాత ప్రభాస్ చిత్రంపై భారీ అంచనాలు నెలకొన్నందున రిలీజ్ డేట్స్‌పై జాగ్రత్తగా వ్యవహరిస్తున్నాం. ఈ చిత్రాన్ని దేశవ్యాప్తంగా విడుదల చేయడానికి ఏర్పాట్లు చేస్తున్నాం. ఏప్రిల్ చివరి వారంలో విడుదల చేసేందుకు దేశవ్యాప్తంగా డిస్టిబ్యూటర్లతో సంప్రదింపులు జరుపుతున్నాం అని చిత్ర యూనిట్ పేర్కొన్నది.

300 కోట్ల బడ్జెట్‌తో

బాహుబలిని మినహాయిస్తే సాహో చిత్రం ప్రభాస్ కెరీర్‌లోనే భారీ బడ్జెట్ సినిమా. సుమారు రూ.300 కోట్లతో ఈ చిత్రం రూపొందుతున్నది. ఈ చిత్రం హిందీ, తమిళ, తెలుగు భాషల్లో రూపొందుతున్నది. ఈ చిత్రాన్ని విజువల్ ట్రీట్‌గా రూపొందిస్తున్నట్టు తెలిసింది. అలాగే ప్రేక్షకులను థ్రిల్‌కు గురిచేసే యాక్షన్ సీన్లు ఉంటాయని చిత్ర వర్గాలు వెల్లడించాయి.

శ్రద్ధాకపూర్ టాలీవుడ్ ఎంట్రీ

సాహో చిత్రంలో ప్రభాస్ గూఢచారిగా నటిస్తున్నారట. తన పాత్ర స్వభావ రీత్యా ప్రభాస్ ముఖం కనిపించకుండా మాస్క్ ధరించి కనిపిస్తారట. అలాగే ఫ్లాష్ బ్యాక్‌లో పీరియడ్ ఎపిసోడ్‌లో గెటప్ కొత్తగా ఉంటుందట. సుజిత్ రెడ్డి దర్శకత్వం వహిస్తున్న ఈ సినిమాలో బాలీవుడ్ నటి శ్రద్ధాకపూర్ టాలీవుడ్‌లో ఎంట్రీ ఇస్తున్నారు. బాలీవుడ్‌కు చెందిన పలువురు ప్రముఖ నటులు నటిస్తున్నారు. నీల్ నితిన్ ముఖేష్ ఈ చిత్రంలో విలన్‌గా నటిస్తున్నారు.