హోమ్

గాసిప్స్

బాహుబలి సినిమా తర్వాత మరో భారీ రేంజ్ సినిమాకు శ్రీకారం చుట్టాడు యంగ్ రెబల్ స్టార్ ప్రభాస్. సాహూ పేరుతో యూవీ క్రియేషన్స్ బ్యానర్ పై 400 కోట్ల భారీ బడ్జెట్ తో ఈ సినిమా తెరకెక్కుతోంది. యంగ్ డైరెక్టర్ సుజీత్ దర్శకత్వంలో రాబోతున్న ఈ యాక్షన్ ఎంటర్‌టైనర్ సినిమాలో ప్రభాస్, శ్రద్ధ కపూర్ జంటగా నటిస్తున్నారు. నీల్ నితిన్ ముఖేష్, టైగర్ ష్రాఫ్ లాంటి భారీ తారాగణం పాలుపంచుకుంటున్నారు.

ఆగస్టు 15 వ తేదీన సాహూ విడుదల చేసేందుకు ముహూర్తం ఫిక్స్ చేసిన చిత్ర యూనిట్ ఫైనల్ అవుట్ ఫుట్ కి తుది మెరుగులు దిద్దే పనిలో పడిందట. సినిమా విడుదలకు ఇంకో నెల రోజులే సమయం ఉండటంతో ఇప్పటి నుంచే ఎడిటింగ్ వర్క్స్ మొదలుపెట్టేశారట. ఈ మేరకు పోస్ట్ ప్రొడక్షన్ పనుల్లో వేగం పెంచేశారు యూనిట్ సభ్యులు. ఎడిటింగ్ లో భాగంగా ఇప్పటికే ఫస్ట్ హాఫ్ ఫినిష్ చేసినట్లు టాక్ నడుస్తోంది. ఈ భాగానికి గాను నిడివి గంటా ఇరవై నిమిషాలు వచ్చినట్లు తెలుస్తోంది. ఈ లెక్కన రెండో భాగం కూడా ఫినిష్ చేసి మొత్తంగా చూస్తే నిడివి రెండు గంటల రెండుగంటల నలభై నిమిషాలు దాటిపోతుంది అని అంటున్నారు. ఈ నేపథ్యంలోప్రభాస్ రంగంలోకి దిగి పలు సూచనలు ఇస్తున్నారట.

నిడివి అంత ఎక్కువగా ఉంటే థియేటర్ కి వచ్చిన ఆడియన్స్ కాస్త బోర్ గా ఫీల్ అయ్యే ఛాన్సెస్ ఉన్నాయని భావించిన ప్రభాస్.. కనీసం 10 నిమిషాలైనా నిడివి తగ్గించాలని సూచించారట. అయితే ఈ ప్రభావం అవుట్ ఫుట్ పై ఏ మాత్రం పడకూడదని కూడా చెప్పారట. యాక్షన్ ఎంటర్‌టైనర్ కాబట్టి ఏ మాత్రం బోర్ కొట్టినా సినిమాకు దెబ్బయే ఛాన్సులు ఉంటాయి. ఈ కోవలోనే థింక్ చేసిన ప్రభాస్ పోస్ట్ ప్రొడక్షన్స్ పనుల్లో మరిన్ని జాగ్రత్తలు తీసుకుంటున్నాడని సమాచారం. ఏదేమైనా ప్రభాస్ కెరీర్ లో మరో ప్రతిష్టాత్మకమైన సినిమా సాహోపై ప్రేక్షకుల్లో భారీ అంచనాలున్నాయి.