Prabhas దెయ్యం కథ నుంచి మరో లీక్.. అలా సెట్ చేస్తున్న డైరెక్టర్

డిజాస్టర్ రావడంతో

ప్రభాస్ రాధే శ్యామ్ సినిమాతో బాక్సాఫీస్ వద్ద ఊహించని విధంగా డిజాస్టర్ ఎదుర్కొన్న విషయం తెలిసిందే. ఎన్నో భారీ అంచనాలతో ప్రేక్షకుల ముందుకు వచ్చిన సినిమా అసలు ఏమాత్రం వర్కౌట్ కాలేదు. దీంతో ప్రభాస్ తదుపరి సినిమాతో అయినా మళ్ళీ ట్రాక్లోకి రావాలి అని ప్రయత్నాలు అయితే చేస్తున్నాడు. ప్రస్తుతం ఆదిపురుష్ సినిమా విడుదలకు సిద్ధమవుతున్న విషయం తెలిసిందే. అలాగే ప్రాజెక్టు K కూడా షూటింగ్ దశలో ఉంది.

మారుతితో సినిమా

అయితే ఈ రెండు సినిమాలతో పాటు ప్రభాస్ ఇటీవల మారుతీ దర్శకత్వంలో కూడా ఒక సినిమాను మొదలు పెట్టాలని అనుకున్నాడు. ఆ సినిమాను వీలైనంత త్వరగా కూడా పూర్తి చేయాలి అని ముందుగానే పక్కా ప్రణాళికలు కూడా రచించారు. అయితే మారుతీ దర్శకత్వంలో ప్రభాస్ సినిమా చేయడానికి వీల్లేదు అంటూ సోషల్ మీడియాలో అభిమానులు కొన్ని నెగటివ్ ట్యాక్స్ కూడా ట్రెండింగ్ అయ్యేలా చేశారు.

ఛాలెంజ్ గా తీసుకున్న ప్రభాస్

అయితే ప్రభాస్ మాత్రం ముందుగా ఇచ్చిన మాట ప్రకారం మారుతి దర్శకత్వంలో సినిమా చేయాలి అని డిసైడ్ అయినట్లుగా తెలుస్తోంది. ఒక విధంగా ఇది ఛాలెంజ్ గా కూడా తీసుకున్నట్లు సమాచారం. మారుతి మీద నమ్మకంతోనే ప్రభాస్ హారర్ కాన్సెప్ట్ లో కామెడీ సినిమా చేయాలి అని డిసైడ్ అయినట్లుగా తెలుస్తోంది. దర్శకుడు మారుతి కూడా ప్రభాస్ నమ్మినట్లుగానే మంచి కంటెంట్ ఉన్న కథను తెర పైకి తీసుకురావాలని ఆలోచిస్తున్నాడు.

అంచనాలకు తగ్గట్టుగానే

ఈ సినిమాకు రాజా డీలక్స్ అనే టైటిల్ కూడా అనుకుంటున్నట్లు మొదటి నుంచి ఒక టాక్ వినిపిస్తోంది. ఇప్పటికే ఒక ప్రత్యేకమైన బంగ్లా సెట్ కూడా రెడీ అయ్యిందని ఈ సినిమా కామెడీ హారర్ బ్యాక్గ్రౌండ్ లో ఉంటుంది అని కూడా కథనాలు వెలుపడ్డాయి. అయితే ఈ విషయంపై మారుతి ఇంతవరకు కూడా పెద్దగా క్లారిటీ ఇవ్వలేదు. కానీ తప్పకుండా మాత్రం ప్రభాస్ అభిమానుల అంచనాలకు తగ్గట్టుగానే సినిమా ఉంటుంది అని వివరణ ఇచ్చాడు.

తాత మనవడు స్టోరీ

కానీ ప్రస్తుతం సినిమాకు సంబంధించిన మరొక టాక్ కూడా వైరల్ గా మారుతొంది. ఈ సినిమా కథలో ప్రభాస్ మనవడిగా అలాగే గ్రాండ్ ఫాదర్ చుట్టూ కథ తిరుగుతుందట. అలా ఎమోషనల్ బాండింగ్ నుంచి సినిమాలో ఒక హారర్ ఎలిమెంట్ హైలెట్ గా నిలవబోతున్నట్లు తెలుస్తోంది. ఇక ప్రభాస్ ఈ సినిమాలో తనలోని కామెడీ టైమింగ్ కూడా చూపిస్తాడని సమాచారం. దర్శకుడు మారుతి ఈ సినిమాను హారర్ కామెడీ మూవీగా వెండితెరపైకి తీసుకొని రాబోతున్నట్లు తెలుస్తోంది. మరి సినిమా అంచనాలకు తగ్గట్టుగా ఉంటుందో లేదో చూడాలి.