'సమ్‌థింగ్.. సమ్‌థింగ్..': అనుష్క కోసమేనా? అక్కడ తళుక్కున మెరిసిన ప్రభాస్..

తళుక్కున మెరిసిన ప్రభాస్:

'భాగమతి' సినిమాకు సంబంధించి ఇటీవల యూవీ క్రియేషన్స్ నుంచి ఓ ప్రమోషనల్ వీడియో విడుదలైన సంగతి తెలిసిందే. ఇందులో ఓ పాట చిత్రీకరణకు సంబంధించిన షూటింగ్‌ను చూపించారు. అయితే ఇందులో ముఖానికి కర్చీఫ్ కట్టుకుని 'ప్రభాస్' తళుక్కున మెరవడం హాట్ టాపిక్‌గా మారింది.

ప్రమోషనల్ వీడియోతోనే..:

నిజానికి ప్రభాస్ 'భాగమతి' సెట్స్‌కు వెళ్లాడన్న వార్త ఎక్కడా లీక్ అవలేదు. కానీ ఈ వీడియో చూశాక.. ప్రభాస్ అనుష్క కోసమే అక్కడికి వెళ్లాడా? అన్న ఊహాగానాలు మొదలయ్యాయి.

ఆ ఇద్దరూ అదేమి లేదంటున్నారు:

ఓవైపు ప్రభాస్ తన పెళ్లిని వాయిదా వేస్తూ వస్తుండటం.. ప్రభాస్‌ను తాను అన్నయ్య అనలేనని అనుష్క చెప్పడం.. ఇవన్నీ వీరిద్దరి మధ్య 'సమ్‌థింగ్..' వ్యహారానికి బలాన్ని చేకూరుస్తున్నాయి. అయితే మీడియా ముందు మాత్రం.. తమ మధ్య ఏమి లేదని, జస్ట్ ఫ్రెండ్స్ అని చెప్పుకుంటున్నారు వీరిద్దరు.

విడిచి ఉండలేకనే..:

ఇటీవల ప్రభాస్ 'సాహో' సెట్స్ కు అనుష్కకు వెళ్లడం కూడా హాట్ టాపిక్ అయింది. ప్రభాస్ కోసమే అనుష్క అక్కడికి వెళ్లిందా అన్న ప్రచారం జరిగింది. వీరిద్దరు ఒకరిని విడిచి ఒకరు ఉండలేకనే.. ఇలా ఒకరి షూటింగ్ కు మరొకరు వెళ్తున్నారన్న ప్రచారం జరుగుతోంది.

పెళ్లయితే గానీ తెరపడేదేమో!:

ప్రభాస్-అనుష్కల్లో ఎవరికో ఒకరికి పెళ్లయితే గానీ ఈ ప్రచారానికి తెరపడేలా లేదు. లేదంటే.. అందరి అంచనాలను నిజం చేస్తూ వీరిద్దరే ఒక్కటైతే గనుక ఇక ఏ గొడవా ఉండదు. చూడాలి మరి.. ఈ రెండింటిలో ఏది జరగబోతుందో?