మహేష్ తో ఆ హీరోయిన్ కూడా?

By Staff

Published: Saturday, February 28, 2009, 15:22 [IST]

ద్రోణ సినిమాలో బికినీ వేసుకుని క్రేజ్ క్రియేట్ చేయబోయి బోల్తా పడ్డ ప్రియమణి..తాజాగా మహేష్ సినిమాకు కమిటయ్యినట్లు వినపడుతోంది. ఆమె నటనను పరుత్తి వీరన్ కి నేషనల్ అవార్డు వచ్చినప్పుడు మెచ్చుకున్న త్రివిక్రమ్ అప్పుడే ఫోన్ చేసి అబినందనలు తెలిపి..ఆఫర్ ఇస్తానన్నారు. అయితే మారుతున్న పరిస్ధితులు మరో ప్రక్క మహేష్ అభిరుచులకు అణుగుణంగా హీరోయిన్స్ వేట లో ఆ విషయమే మర్చిపోయార్ట. కానీ ఈ మధ్య అనూష్కని సీన్ లోకి తెచ్చి పార్వతి మిల్టన్ ని తప్పించినప్పుడు..సెకెండ్ హీరోయిన్ గా ప్రియమణిని తీసుకుంటే మేలని అభిప్రాయానికి వచ్చారుట. మణిరత్నం సినిమాలో ఆమె చేయటం కూడా త్రివిక్రమ్ ఓకే చేయటానికి కారణమంటున్నారు.

ఎందుకంటే అంత పెద్ద దర్శకుడే అవకాశమిచ్చిన హీరోయిన్ ని మనం కూడా ఎంకరేజ్ చేస్తే ఆ క్రెడిట్ అలా పడుంటుందనే అభిప్రాయం కూడా ఉందని తెలుస్తోంది. ఏదైతేనేం ఈ అవకాశం ప్రియమణికి వస్తే ఆమె పంట పండినట్లే. ఎందుకంటే ఈ మధ్య వరసగా ఆమె నటించిన సినిమాలన్నీ ఫ్లాప్ లు అవుతున్నాయి. అతిధి రిలీజయిన రెండేళ్ళకు మహేష్ బాబు నటిస్తున్న సినిమా కావటంతో దీనిపై మంచి అంచనాలే ఉన్నాయి. మార్చి పదినుంచీ ఈ చిత్రం ప్రారంభం కానుందని సమాచారం. రాజస్ధాన్ ఎడారిలో ఈ షూటింగ్ రెగ్యులర్ గా జరుగుతుంది. మొదటినుంచీ అనుకుంటున్నట్లుగా ఈ చిత్రానికి వరుడు అనే టైటిల్ ఉండకపోవచ్చునంటున్నారు. శింగనమల రమేష్ తన కనకరత్న మూవీస్ బ్యానర్ పై నిర్మిస్తున్న ఈ చిత్రానికి మణిశర్మ సంగీతం అందిస్తున్నారు.

More from Filmibeat