హీరో రాజాకి నిర్మాత వార్నింగ్

ఆనంద్ చిత్రంతో పేరుతెచ్చుకున్న రాజాని ఈ మధ్యన ఓ నిర్మాత చెడతిట్టాడని అంతటా వినపడుతోంది. ఎందుకిలా అంటే రాజా సెట్లో కొద్దిగా ఎగస్ట్రాగా బిహేవ్ చేసాడని, మండిన ప్రొడ్యూసర్ కొంచెం గట్టిగానే వార్నింగ్ ఇచ్చాడని చెప్తున్నారు. వేసవి మంట తట్టుకోలేకున్నానని, షూటింగ్ గ్యాప్ లో తనకు ప్రత్యేకంగా ఏసీ ఉండే కార్వాన్ కావాలని కోరాడట. ఆ హీరో వరకూ అది చిన్న కోరికగా అన్పించినా నిర్మాతకి మాత్రం చాలా ఎక్కవనిపించిందిట. ఎందుకంటే అప్పటికే సినిమా పూర్తయినా మార్కెట్ ఎంక్వైరీలు రాకపోవటం, ఖర్చు బాగా కావటం జరిగింది.

అయినా ఒప్పుకున్నాక తప్పుతుందా అని ఆ ఎరేంజ్ మెంట్ చేసాడు. కానీ ఓ రోజు కార్వాన్ సరైన సమయానికి రాకపోవటం జరిగింది. దాంతో హీరోగారు మండిపడి అలిగారు. దాంతో సహనం పోయిన నిర్మాత రోజు కూలికి వచ్చిన వాడివి నీ పని నువ్వు సైలెంట్ గా చేసుకుని వెళ్ళు..అవి కావాలి..ఇవి కావాలి అంటే సీరియస్ గా పరిణామాలు ఉంటాయన్నారని చెప్తున్నారు. అయినా రాజా మాత్రం తన రేంజి ఏమిట..తన సినిమాలు ఒక్కటన్నా మార్కెట్లో ఆడుతున్నాయా అన్న విషయాలు పట్టించుకోకుండా ఇలాంటి ఎగస్ట్రాలు పోతే ఎలా అని అంతా అంటున్నారు. ఇంతకీ ఆ నిర్మాత ఎవరై ఉంటారు..