Don't Miss!
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Lifestyle మామిడికాయ పచ్చడిని ఈజీగా ఇలా తయారు చేసుకోండి..
- Sports అనూహ్య ఘటనను ఎదుర్కొన్న రోహిత్ శర్మ
- Finance Adani News: గౌతమ్ అదానీ తిరిగొచ్చిన మంచిరోజులు.. ఆ 5 కంపెనీల్లో సంచలనం..
- Technology OnePlus Flip వన్ప్లస్ ఫ్లిప్ ఫోన్ కీలక వివరాలు లీక్... టెలిఫోటో కెమెరా సహా కీలక ఫీచర్లు..!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
బాలయ్య సినిమాలో పవర్ స్టార్: పోలీస్ ఆఫీసర్గా అలరించనున్న స్టార్ హీరో
'సింహా', 'లెజెండ్' వంటి రెండు భారీ హిట్ల తర్వాత సీనియర్ హీరో నందమూరి బాలకృష్ణ - మాస్ డైరెక్టర్ బోయపాటి శ్రీను కాంబినేషన్లో ఓ సినిమా రూపొందుతోన్న విషయం తెలిసిందే. ఎంతో ప్రతిష్టాత్మకంగా తెరకెక్కుతోన్న ఈ సినిమాను మిర్యాల రవీందర్ రెడ్డి నిర్మిస్తున్నాడు. బాలయ్య కెరీర్లోనే భారీ బడ్జెట్తో ఈ సినిమా రూపొందుతోంది. ఇప్పటికే విడుదలైన చిత్ర టీజర్కు విపరీతమైన స్పందన వచ్చింది. తద్వారా దీనిపై అంచనాలు పెరిగిపోయాయి. ఈ నేపథ్యంలో తాజాగా ఈ సినిమా గురించి ఓ ఇంట్రెస్టింగ్ న్యూస్ బయటకు వచ్చింది.
తాజా సమాచారం ప్రకారం... బాలయ్య - బోయపాటి కాంబినేషన్లో తెరకెక్కుతోన్న ఈ సినిమాలో కన్నడ పవర్ స్టార్ పునీత్ రాజ్కుమార్ గెస్ట్ రోల్ చేయబోతున్నాడట. పోలీస్ ఆఫీసర్గా కనిపించి హీరోను ఓ ప్రమాదం నుంచి కాపాడుతాడని తెలుస్తోంది. దీనికి సంబంధించిన షూటింగ్ కొద్ది రోజుల్లో జరగనుందని కూడా వార్తలు వస్తున్నాయి. ఇదిలా ఉండగా, గతంలో బాలయ్య నటించిన 'గౌతమిపుత్ర శాతకర్ణి' సినిమాలో పునీత్ సోదరుడు శివ రాజ్కుమార్ గెస్ట్ రోల్ చేశారు. అలాగే, పునీత్ నటించిన ఓ సినిమాకు జూనియర్ ఎన్టీఆర్ ఓ పాటను పాడిన విషయం తెలిసిందే.
మరోవైపు, పునీత్ రాజ్కుమార్ 'యువరత్న' అనే సినిమాతో తెలుగు సినీ ఇండస్ట్రీలోకి అడుగు పెట్టబోతున్నాడు. 'KGF' సినిమాను నిర్మించిన హోంబళే ఫిలిమ్స్ సంస్థ నిర్మిస్తోన్న ఈ సినిమాను సంతోష్ అనంద్రామ్ తెరకెక్కించాడు. సాయేషా సైగల్ హీరోయిన్గా చేస్తోంది. ఎంతో ప్రతిష్టాత్మకంగా రాబోతున్న ఈ సినిమాను తెలుగులోనూ విడుదల చేయబోతున్నట్లు చిత్ర యూనిట్ ప్రకటించింది. ఈ మేరకు హీరో పునీత్ ట్విట్టర్ ద్వారా పోస్టర్ను విడుదల చేశాడు. తెలుగులో విడుదల కాబోతున్న మొదటి చిత్రం కావడంతో అందరి మద్దతు కావాలని ఈ ట్వీట్లో కోరాడతను.